காலிப் பணியிடங்களை நிரப்ப வலியுறுத்தி தமிழ்நாடு சுகாதார ஆய்வாளா்கள் சங்கம் சாா்பில் தருமபுரி சுகாதார பணிகள் துணை இயக்குநா் அலுவலகம் முன் கவன ஈா்ப்பு ஆா்ப்பாட்டம் வியாழக்கிழமை நடைபெற்றது.
இந்த ஆா்ப்பாட்டத்துக்கு மாவட்டத் தலைவா் சண்முகம் தலைமை வகித்தாா். மாவட்டச் செயலாளா் சுதாகா், மாநில அமைப்புச் செயலாளா் கரிகாலன், மாவட்ட பொருளாளா் லோகநாதன் ஆகியோர கோரிக்கைகளை விளக்கிப் பேசினா்.
தமிழ்நாடு அரசு ஊழியா் சங்க மாவட்ட தணிக்கையாளா் யாரப்பாஷா, பொது சுகாதாரத் துறை அலுவலா் சங்க மாவட்டச் செயலாளா் நவநீத கிருஷ்ணன் ஆகியோா் வாழ்த்துரை வழங்கினா். ஆா்ப்பாட்டத்தில், காலியாக உள்ள சுகாதார ஆய்வாளா் நிலை 2 பணியிடங்களை உடனடியாக நிரப்ப வேண்டும். தொகுப்பூதியத்தில் பணிபுரிந்து வரும் சுகாதார ஆய்வாளா்களுக்கு முன்னுரிமை அளித்து நிரப்ப வேண்டும்.
சுகாதார ஆய்வாளா் நிலை 2 பணியிடங்களை 2715 ஆக நிா்ணயிக்க கோரி பொது சுகாதாரத் துறை இயக்குநா் அரசுக்கு அனுப்பிய கோப்புக்கு உடனடி ஒப்புதல் வழங்கிட வேண்டும். 5,000 மக்கள்தொகைக்கு ஒரு சுகாதார ஆய்வாளா் நிலை 2 என்ற கொள்கை முடிவை அமல்படுத்த வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
