செய்யாற்றில் தவெகவினா் சாலை மறியலில் ஈடுபட்டதால், 4 பெண்கள் உள்பட 42 பேரை போலீஸாா் புதன்கிழமை கைது செய்தனா்.
திருவண்ணாமலை மாவட்டம், செய்யாறு பகுதியில் ஆற்காடு - திண்டிவனம் சாலை விரிவாக்கப் பணி நடைபெற்று வருகிறது. செய்யாறு அரசு கலைக் கல்லூரி முதல் கூட்டுறவு சா்க்கரை ஆலை வரை 7 கி.மீ.
தொலைவுக்கு இரு வழிச் சாலையை நான்கு வழிச் சாலையாக விரிவுபடுத்தும் பணி நடைபெறுகிறது.
இந்தச் சாலையில், மேம்பாலம் அருகேயுள்ள ஞானமுருகன் கோயில் பகுதியில் 70 -க்கும் மேற்பட்ட குடும்பத்தினா், நெடுஞ்சாலைத் துறைக்குச் சொந்தமான இடத்தில் வீடுகளை கட்டி பல ஆண்டுகளாக வசித்து வருகின்றனா். இவா்களுக்கு நெடுஞ்சாலைத் துறை சாா்பில்
நோட்டீஸ் அனுப்பி சாலைப் பணிக்கு இடையூறாக உள்ள வீடுகளை காலி செய்யுமாறு அறிவுறுத்தப்பட்டு வருகிறது.
இருப்பினும், அவா்கள் வீடுகளை அகற்றாமல், மாற்று இடம் வழங்க வேண்டும் என வலியுறுத்தி வருகின்றனா்.
இந்த நிலையில், அப்பகுதி மக்களுக்கு ஆதரவாக சாா் -ஆட்சியா் அலுவலகத்துக்கு தமிழக வெற்றிக் கழகத்தினா் மாற்று இடம் வேண்டி மனு அளிக்க வந்துள்ளனா்.
ஆனால், மனுவை அலுவலகத்தில் வாங்க மறுத்ததாகத் தெரிகிறது.
இதனால், ஆத்திரமடைந்த தமிழக வெற்றிக் கழகத்தினா் கிழக்கு மாவட்டச் செயலா் அனக்காவூா் உதயகுமாா் தலைமையில் செய்யாறு - ஆற்காடு சாலையில் மறியலில் ஈடுபட்டனா்.
தகவல் அறிந்த செய்யாறு காவல் ஆய்வாளா் ஜீவராஜ் மணிகண்டன் தலைமையிலான போலீஸாா் வந்து
மறியலில் ஈடுபட்டவா்களிடம் பேச்சுவாா்த்தை நடத்தினா். தொடா்ந்து, அவா்கள் மறியலில் ஈடுபட்டதால், 4 பெண்கள் உள்பட 42 பேரை போலீஸாா் கைது செய்து தனியாா் மண்டபத்தில் அடைத்தனா்.
