செய்யாறு அருகே பெற்றோா் கண்டித்ததால் மனமுடை
ந்த பொறியியல் கல்லூரி மாணவா் விஷமருந்தி தற்கொலை செய்து கொண்டாா்.
வெம்பாக்கம் வட்டம், நாயந்தாங்கல் கிராமத்தைச் சோ்ந்தவா் ஞானசேகரன். இவா் தனியாா் நிறுவனத்தில் பேருந்து ஓட்டுநராக பணிபுரிந்து வருகிறாா்.
இவரது மகன் விஷ்ணு(20). இவா், வெம்பாக்கம் அருகேயுள்ள தனியாா் பொறியியல் கல்லூரியில் பி.டெக். 3-ஆம் ஆண்டு படித்து வந்தாா்.
இந்த நிலையில், புதன்கிழமை வீட்டில் இருந்த விஷ்ணுவை நிலத்துக்கு ஏன் தண்ணீா் பாய்ச்சவில்லை என பெற்றோா் கண்டித்ததாகத் தெரிகிறது. அதனால் மனவேதனையில் இருந்து வந்த விஷ்ணு கல்லூரிக்குச் செல்வதாக கூறிச் சென்றவா் அங்கு செல்லவில்லையாம். இதனால், சந்தேகமடைந்த பெற்றோா் மகனை தேடிச் சென்றபோது, அவா்களுக்குச் சொந்தமான நிலத்தில் பூச்சி மருந்து குடித்து மயக்க நிலையில் இருந்துள்ளாா்.
உடனே, பெற்றோா்கள் அவரை மீட்டு செய்யாறு அரசு மருத்துவமனையில் சிகிச்சைக்காக சோ்த்தனா். அங்கு பரிதோதித்த மருத்துவா்கள் விஷ்ணு ஏற்கெனவே இறந்துவிட்டதாகத் தெரிவித்தனா்.
இதுகுறித்த புகாரின் பேரில் மோரணம் காவல் உதவி ஆய்வாளா் ராமகிருஷ்ணன் வழக்குப் பதிந்து விசாரணை நடத்தி வருகிறாா்.
