சென்னை மாநகராட்சி பகுதிகளில் சொத்து வரி வசூலிக்கும் பணி தீவிரபடுத்தப்பட்டுள்ளது.
சென்னை மாநகராட்சியின் பிரதான வருவாயாக சொத்து வரி விளங்குகிறது. நடப்பு நிதியாண்டு மாா்ச் மாதத்துடன் முடிவடையவுள்ள நிலையில் சொத்து வரி வசூலிக்கும் பணி தீவிரபடுத்தப்பட்டுள்ளது.
முதல்கட்ட நடவடிக்கையாக நீண்டகாலமாக சொத்து வரி செலுத்தாத 87 போ் அடங்கிய பட்டியல் மாநகராட்சியின் இணையதளத்தில் வெளியிடப்பட்டுள்ளது. இதில், நடப்பு அரை நிதியாண்டில் ரூ. 2.08 லட்சம் முதல் ரூ. 2.49 கோடி வரை நீண்டகாலமாக சொத்து வரி நிலுவை வைத்துள்ள தனிநபா் மற்றும் நிறுவனங்களின் பெயா்கள் இடம்பெற்றுள்ளன. இவா்கள் மொத்தம் ரூ. 14.47 கோடி நிலுவை வைத்துள்ளனா்.
அதேபோல், சொத்து வரி நிலுவை வைத்துள்ள வணிகக் கட்டடங்கள், அடுக்குமாடி குடியிருப்புகள் உள்ளிட்ட 2 லட்சத்துக்கும் மேற்பட்ட சொத்து உரிமையாளா்கள் அடையாளம் காணப்பட்டுள்ளனா். அவா்கள் முறையாக சொத்து வரி செலுத்தும் வகையில் மாநகராட்சி சாா்பில் கைப்பேசி குறுஞ்செய்தி மூலம் நோட்டீஸ் வழங்கி எச்சரிக்கும் பணியை மாநகராட்சி நிா்வாகம் தொடங்கியுள்ளது.
இது குறித்து மாநகராட்சி வருவாய் துறை அலுவலா் கூறியது:
கடந்த நிதியாண்டு முறையாக சொத்து வரி செலுத்தாதவா்களின் முதல் 100 போ் கொண்ட பட்டியல்
மாநகராட்சி இணையதளத்தில் வெளியிடப்பட்டது. அதன்பயனாக, பலா் சொத்து வரி செலுத்த முற்பட்டனா்.
இந்த நிலையில், நடப்பு நிதியாண்டில் சொத்து வரி நிலுவை வைத்துள்ள உரிமையாளா்களுக்கு மாநகராட்சி சாா்பில் எச்சரிக்கை விடுக்கப்பட்டு வருகிறது. சொத்து வரி செலுத்துவதற்கான இணையதள இணைப்பு கொண்ட ‘க்யூஆா் குறியீடுடன்’ கூடிய நோட்டீஸ் வழங்கப்பட்டு வருகிறது. அதில் இணைப்பை ஸ்கேன் செய்வதன் மூலம் எளிதில் சொத்துவரி செலுத்த முடியும். மேலும், மாநகராட்சி களப்பணியாளா்கள் வாா்டு வாரியாக சொத்து வரி செலுத்தாதவா்களின் விவரங்களைக் கண்டறிந்து வருகின்றனா் என்றாா் அவா்.
