திருவண்ணாமலையில் மத்திய நிதிநிலை அறிக்கையை கண்டித்து தொழிற்சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.
மத்திய பேருந்து நிலையம் அருகேயுள்ள வெளிவட்டச் சாலைப் பகுதியில் தொமுச, சிஐடியு, ஏஐடியுசி உள்ளிட்ட தொழிற்சங்கங்கள் சாா்பில் நடைபெற்ற ஆா்ப்பாட்டத்துக்கு தொமுச மாநில பேரவை துணைத் தலைவா் க.சௌந்தர்ராஜன் தலைமை வகித்தாா்.
எல்பிஎப் மாவட்டக் குழு இரா.ஆறுமுகம், சிஐடியு மாவட்டத் தலைவா் கே.காங்கேயன், ஏஐடியுசி மாவட்டத் தலைவா் வே.முத்தையன், எல்பிஎப் மண்டல பொருளாளா் எஸ்.மோகனரங்கன், சிஐடியு மாவட்டச் செயலா் இரா.பாரி, ஏஐடியுசி மாவட்ட பொதுச்செயலா் எம்.எஸ்.மாதேஸ்வரன் ஆகியோா் பங்கேற்று கண்டன உரையாற்றினா்.
ஆா்ப்பாட்டத்தின் போது, தொழிலாளா் விரோதச் சட்ட தொகுப்புகள் நான்கையும் திரும்பப் பெறவேண்டும், விலைவாசி உயா்வை கட்டுப்படுத்தவேண்டும். விவசாயிகளின் விளை பொருள்களுக்கு குறைந்தபட்ச ஆதார விலையை நிா்ணயிக்க வேண்டும், குறைந்தபட்ச ஊதியம் ரூ.26ஆயிரத்துக்கு குறையாமல் நிா்ணயம் செய்ய வேண்டும், அரசு மற்றும் பொதுத்துறை நிறுவனங்களில் காலியாக உள்ள 30 லட்சம் பணியிடங்களை நிரப்ப வேண்டும், ஊரக வேலை உறுதியளிப்புத் திட்டத்தை சீா்குலைக்காமல் முழுமையான நிதி ஒதுக்கீடு செய்ய வேண்டும், பழைய ஓய்வூதிய திட்டத்தை அமல்படுத்த வேண்டும் என்பன உள்ளிட்ட 12 அம்சக் கோரிக்கைகள் நிறைவேற்ற வலியுறுத்தியும், நிதிநிலை அறிக்கை நகலை கிழித்தெரிந்தும் தொழிற்சங்கத்தினா் முழக்கங்களை எழுப்பினா்.
ஆா்ப்பாட்டத்தில் தொழிற்சங்க கூட்டமைப்பு நிா்வாகிகள் கலந்து கொண்டனா். நிறைவில் சிஐடியு மாவட்ட துணைத் தலைவா் கே.நாகராஜ் நன்றி கூறினாா்.
