திமுக கூட்டணிக்கு அனைவரும் துணை நிற்க வேண்டும்: முதல்வா் மு.க.ஸ்டாலின்

திமுக தலைமையிலான கூட்டணிக்கு அனைவரும் துணை நிற்க வேண்டும் என்று திமுக தலைவரும் முதல்வருமான மு.க.ஸ்டாலின் வலியுறுத்தினாா்.

கம்யூனிஸ்ட் கட்சியின் முதுபெரும் தலைவரும் விடுதலைப் போராட்ட வீரருமான இரா.நல்லகண்ணுவின் நூற்றாண்டு பிறந்த நாள் விழா சென்னையில் உள்ள இந்திய கம்யூனிஸ்ட் கட்சித் தலைமை அலுவலகமான பாலன் இல்லத்தில் வியாழக்கிழமை நடைபெற்றது.

விழாவில் முதல்வா் மு.க.ஸ்டாலின் பங்கேற்றுப் பேசியதாவது:

பொதுவுடைமை இயக்கத்துக்கும் முதுபெரும் தலைவா் நல்லகண்ணுக்கும் நூற்றாண்டு நடைபெறுகிறது. இத்தகைய பொருத்தம் யாருக்கும் கிடைத்ததில்லை. நான் அவரை வாழ்த்த வரவில்லை; வாழ்த்தைப் பெற வந்திருக்கிறேன். ‘எல்லோருக்கும் எல்லாம்’ என்பதுடன், சமூக நீதி, சமத்துவத்தை நிலைநாட்டிட வேண்டும். இந்த உணா்வோடு இன்றைக்கு தமிழ்நாட்டில் நடைபெற்றுக் கொண்டிருக்கும் திராவிட மாடல் ஆட்சி நிறைவேற்றிக் கொண்டிருக்கக் கூடிய திட்டங்களுக்கு எல்லாம் உறுதுணையாக பக்கபலமாக விளங்கிக் கொண்டிருப்பவா் நல்லகண்ணு.

அவா் அமைதியாக, அடக்கமாக அதே நேரத்தில் ஆழமாக எதையும் சிந்தித்து கருத்துகளை வெளிப்படுத்தக் கூடியவா். அவா் தொடா்ந்து நலமுடன் இருந்து எங்களைப் போன்ற இளையோருக்கு வழிகாட்டிட வேண்டும். துணை நிற்க வேண்டும்.

துணை நிற்க வேண்டும்: வரும் சட்டப் பேரவைத் தோ்தலில் 200 தொகுதிகளில் வெற்றி பெறுவோம் என்று திமுக செயற்குழுவில் பேசிய பேச்சை இந்திய கம்யூனிஸ்ட் கட்சியின் மாநிலச் செயலா் முத்தரசன் சுட்டிக் காட்டினாா். இன்றைக்கு இருக்கக் கூடிய நிலை என்ன என்று கேட்டால், 200 இல்லை; 200 தொகுதிகளையும் தாண்டி வெற்றி பெறும் வகையில் நமது மதச்சாா்பற்ற கூட்டணி அமைந்துள்ளது.

ஏழு ஆண்டுகளாக இந்தக் கூட்டணி தொடா்கிறது. தோ்தல் களத்தில் தொடா்ந்து வெற்றிகளைப் பெற்று வருகிறோம். ஆகவே, இந்த கூட்டணி கொள்கைக் கூட்டணி மட்டுமல்ல, இது நிரந்தரக் கூட்டணி. இந்தக் கூட்டணிக்கு அனைவரும் துணை நிற்க வேண்டும் என்றாா் முதல்வா் மு.க.ஸ்டாலின்.

சமத்துவம், சகோதரத்துவம் தேவை- நல்லகண்ணு: விழாவில், இரா.நல்லகண்ணு பேசியதாவது, பிரிட்டிஷ் ஏகாதிபத்தியத்தை எதிா்த்து போராடிய போது இந்திய தேசம் எல்லா மக்களையும் இணைத்து ஒன்றுபட்ட நாடாக வர வேண்டும் என்ற கருத்தை ஆரம்பத்தில் கம்யூனிஸ்ட் கட்சி வலியுறுத்தியது. ஆங்கிலேயரிடமிருந்து போராடி பெற்ற சுதந்திரத்தை பாதுகாத்து நீடிக்க சமத்துவமும் சகோதரத்துவமும் தேவை. அப்போதுதான் அந்த சுதந்திரம் பாதுகாக்கப்படும் என அம்பேத்கா் கூறினாா். அம்பேத்கா் காட்டிய வழியில் தொடா்ந்து போராட வேண்டும். அப்போது தான் நாடு வளா்ச்சி பாதையில் செல்லும் என்றாா் அவா்.

இந்நிகழ்வில், திமுக பொருளாளா் டி.ஆா்.பாலு, இந்திய கம்யூனிஸ்ட் மாநிலச் செயலா் இரா.முத்தரசன், மதிமுக பொதுச் செயலா் வைகோ, மாா்க்சிஸ்ட் கம்யூனிஸ்ட் மாநிலச் செயலா் கே.பாலகிருஷ்ணன், அக்கட்சியின் மூத்த தலைவா் டி.கே.ரங்கராஜன், அரசியல் தலைமைக் குழு உறுப்பினா் ஜி.ராமகிருஷ்ணன், விடுதலைச் சிறுத்தைகள் கட்சித் தலைவா் தொல்.திருமாவளவன், முஸ்லிம் லீக் தமிழக துணைத் தலைவா் அப்துல் ரஹ்மான், மனிதநேய மக்கள் கட்சி பொதுச்செயலா் அப்துல் சமீத், கொங்குநாடு மக்கள் கட்சித் தலைவா் ஈஸ்வரன், விஜிபி நிறுவன தலைவா் வி.ஜி.சந்தோசம் உள்ளிட்டோா் கலந்து கொண்டனா்.