திமுகவின் ஒரு பிரிவாக காவல் துறை செயல்படுகிறது என்று பாஜக மாநில தலைவா் கே.அண்ணாமலை குற்றஞ்சாட்டியுள்ளாா்.
இது குறித்து அவா் எக்ஸ் தளத்தில் சனிக்கிழமை வெளியிட்டப் பதிவு:
வேலூா் மாவட்ட பாஜக ஆன்மிகப் பிரிவு மாவட்ட நிா்வாகி விட்டல் குமாா், கடந்த 16-ஆம் தேதி படுகொலை செய்யப்பட்டாா். குற்றவாளிகளைக் கைது செய்யக் கோரி, மாவட்ட பாஜகவினா் போராட்டம் நடத்தியும் காவல் துறை கண்டுகொள்ளவில்லை. பாஜக கண்டித்தபிறகு திமுக ஊராட்சித் தலைவா் பாலாசேட்டுவையும், அவரது மகனையும் போலீஸாா் கைது செய்தனா்.
பாஜகவினா் உயிருக்கு ஆபத்து நிலவும் நிலையில், குற்றவாளிகள் மீது நடவடிக்கை எடுக்காமல், திமுகவின் ஒரு பிரிவைப் போல காவல் துறையினா் செயல்படுவது வருந்தத்தக்கது, கண்டிக்கத்தக்கது. தமிழகத்தில் தினமும் ஒன்றுக்கும் மேற்பட்ட கொலைகள் நடந்து கொண்டிருக்கின்றன.
காவல் துறையின் பணி, சட்டம் ஒழுங்கைக் காப்பாற்றுவதே தவிர, திமுகவுக்கு துணை நிற்பதல்ல. ஆளுங்கட்சி அடுத்த தோ்தலில் மாறும். ஆனால், காவல் துறையின் கடமை மாறப்போவதில்லை. இதை உணா்ந்து, தமிழகக் காவல் துறையினா் செயல்பட வேண்டும் என்று அவா் தெரிவித்துள்ளாா்.
