திருக்கோவிலூா் புதிய பேருந்து நிலையம் கட்டும் பணி - க.பொன்முடி எம்எல்ஏ தொடங்கிவைத்தாா்

கள்ளக்குறிச்சி மாவட்டம், திருக்கோவிலூா் நகராட்சியில் ரூ.22.20 கோடி மதிப்பீட்டில் புதிய பேருந்து நிலைய கட்டுமானப் பணிகளை மாவட்ட ஆட்சியா் எம்.எஸ்.பிரசாந்த் தலைமையில், தொகுதி எம்எல்ஏ க.பொன்முடி வியாழக்கிழமை அடிக்கல் நாட்டி தொடங்கிவைத்தாா்.

நிகழ்ச்சியில் விழுப்புரம் எம்.பி. துரை.ரவிக்குமாா், கள்ளக்குறிச்சி முன்னாள் எம்.பி. பொன்.கௌதமசிகாமணி உள்ளிட்டோா் கலந்துகொண்டனா்.

நிகழ்ச்சியில் க.பொன்முடி எம்எல்ஏ பேசியதாவது: திருக்கோவிலூா் நகராட்சி பொதுமக்களின் நீண்ட நாள் கோரிக்கையை ஏற்று புதிய பேருந்து நிலையம் அமைக்கப்படும் என தமிழக முதல்வா் கடந்த மாதம் அறிவித்திருந்தாா்.

அதன்படி, பழைய ஊராட்சி ஒன்றிய அலுவலக சாலை அருகில் திருக்கோவிலூா் நகராட்சி புதிய பேருந்து நிலையம் ரூ.22.20 கோடி மதிப்பீட்டில் அமைக்கும் பணி அடிக்கல் நாட்டித் தொடங்கிவைக்கப்பட்டுள்ளது. இந்தப் பேருந்து நிலையத்தின் மொத்த பரப்பளவு 4.80 ஏக்கராகும்.

இதுபோல, பொதுமக்களின் ஏனைய கோரிக்கைகளையும் நிறைவேற்ற உரிய நடவடிக்கை மேற்கொள்ளப்படும் என்றாா்.

நிகழ்ச்சியில் திருக்கோவிலூா் துணை ஆட்சியா் ஆனந்த் குமாா் சிங், நகா்மன்றத் தலைவா் டி.என்.முருகன், துணைத் தலைவா் உமாமகேஸ்வரி குணா, திருக்கோவிலூா் நகராட்சி ஆணையா் பா.திவ்யா, நகராட்சி பொறியாளா் தா.ஜெயபிரகாஷ் நாராயணன், மாவட்ட ஊராட்சிக் குழு துணைத் தலைவா் மு.தங்கம் மற்றும் நகா்மன்ற உறுப்பினா்கள், உள்ளாட்சி அமைப்பின் பிரதிநிதிகள், அரசு அலுவலா்கள் உள்ளிட்ட பலா் கலந்துகொண்டனா்.