திருச்செந்தூா் இளைஞா் கொலை வழக்கில் சிறுமியின் தந்தை உள்பட 4 போ் கைது

காதல் விவகாரத்தில் திருச்செந்தூரில் இளைஞா் கொலை செய்யப்பட்ட சம்பவத்தில் சிறுமியின் தந்தை, தம்பி மற்றும் உறவினா் உள்பட 4 பேரை போலீஸாா் கைது செய்தனா்.

திருச்செந்தூா் அருகே ஆலந்தலை, சுனாமி குடியிருப்பைச் சோ்ந்த முருகன் மகன் மணிகண்டன் (24). எலக்ட்ரீசியன். இவருக்கும், திருச்செந்தூரைச் சோ்ந்த 17 வயது சிறுமிக்கும் இடையே காதல் இருந்துள்ளது. இருவரும் கடந்த 4 மாதங்களுக்கு முன்பு வீட்டை விட்டு வெளியேறியதாக கூறப்படுகிறது. இது தொடா்பாக தனது மகளைக் காணவில்லை என சிறுமியின் தந்தை கோயில் காவல் நிலையத்தில் புகாரளித்தாா்.

அதன் பேரில் போலீஸாா் அவரது மகளை மீட்டு பெற்றோரிடம் ஒப்படைத்தனா். இது தொடா்பாக இரு வீட்டாருக்கும் இடையே முன் விரோதம் இருந்த நிலையில் மணிகண்டன் திங்கள்கிழமை காலை தனது இருசக்கர வாகனத்தில் திருச்செந்தூரை நோக்கி நெடுஞ்சாலையில் சென்று கொண்டிருந்தாா். அப்போது அங்கு வந்த 3 போ் அவரை தடுத்து நிறுத்தி அரிவாளால் வெட்டியதில் மணிகண்டன் சம்பவ இடத்திலேயே உயிரிழந்தாா்.

இச்சம்பவம் குறித்து தகவலறிந்து வந்த திருச்செந்தூா் டிஎஸ்பி மகேஷ்குமாா், போலீஸாா், மணிகண்டனின் உடலை மீட்டு தூத்துக்குடி அரசு மருத்துவமனைக்கு பிரேத பரிசோதனைக்காக அனுப்பி வைத்தனா்.

மேலும் இந்த சம்பவம் குறித்து போலீஸாா் அங்குள்ள சிசிடிவி காட்சிகளை கைப்பற்றி, கொலை தொடா்பாக சிறுமியின் தந்தை நட்டாா் உள்ளிட்ட 5 போ் மீது வழக்குப்பதிவு செய்து விசாரணை நடத்தி வந்தனா். இதையடுத்து தந்தை நட்டாா் (48), சிறுமியின் தம்பி உள்பட 4 பேரை கைது செய்து திருச்செந்தூா் நீதிமன்றத்திலும், 3 சிறாா்களை தூத்துக்குடி நீதிமன்றத்திலும் போலீஸாா் செவ்வாய்க்கிழமை ஆஜா்படுத்தினா்.