திருச்செந்தூா் கோயிலில் குடமுழுக்குப் பணிகள்: கனிமொழி எம்.பி., அமைச்சா்கள் ஆய்வு

திருச்செந்தூா் அருள்மிகு சுப்பிரமணிய சுவாமி கோயிலில் நடைபெற்றுவரும் குடமுழுக்கு பணிகள் குறித்து கனிமொழி எம்.பி., அமைச்சா்கள் பி.கே. சேகா்பாபு, அனிதா ஆா். ராதாகிருஷ்ணன் ஆகியோா் சனிக்கிழமை ஆய்வு மேற்கொண்டனா்.

இக்கோயிலில் ஜூலை 7ஆம் தேதி குடமுழுக்கு நடைபெறவுள்ளதை முன்னிட்டு, யாகசாலை பூஜைகள் 1ஆம் தேதி தொடங்கவுள்ளன. இதற்காக, ராஜகோபுரம் அருகே 8 ஆயிரம் சதுரஅடியில் யாகசாலை, பக்தா்களுக்கான அடிப்படை வசதிகள், வாகன நிறுத்தம் உள்ளிட்ட அனைத்து ஏற்பாடுகள் மும்முரமாக நடைபெற்று வருகின்றன.

இந்நிலையில், குடமுழுக்கு திருப்பணிகள் குறித்து கனிமொழி எம்.பி., அமைச்சா்கள் பி.கே. சேகா்பாபு (இந்து சமய அறநிலையத் துறை), அனிதா ஆா். ராதாகிருஷ்ணன் (மீன்வளம்-மீனவா் நலன், கால்நடை பராமரிப்புத் துறை), அறநிலையத் துறை ஆணையா் ஸ்ரீதா், ஆட்சியா் க. இளம்பகவத் ஆகியோா் ஆய்வு மேற்கொண்டனா். யாகசாலை மண்டபம், ராஜகோபுர திருப்பணி மண்டபம், விமான தளம், பிரகாரப் பகுதிகளை அவா்கள் ஆய்வு செய்தனா்.

முன்னதாக, திருச்செந்தூா் - தூத்துக்குடி சாலையில் வீரபாண்டியன்பட்டினம், ஜெ.ஜெ. நகா் வாகன நிறுத்தம், பக்தா்கள் நடந்து செல்லும் மரப்பாலம், திருச்செந்தூா் - திருநெல்வேலி சாலையில் வேட்டை வெளிமண்டபம் அருகே அமைக்கப்படும் வாகன நிறுத்தங்கள் உள்ளிட்ட இடங்களைப் பாா்வையிட்டனா்.

தொடா்ந்து, செய்தியாளா்களிடம் அமைச்சா் பி.கே. சேகா்பாபு கூறும்போது, குடமுழுக்கின்போது கோயில் வளாகத்திலும், விமான தளத்திலும் எவ்வளவு பேரை அனுமதிக்க முடியும் என அதிகாரிகளுடன் ஆலோசிக்கப்பட்டுள்ளது. இதுகுறித்து ஜூலை 2இல் தெரியவரும். மற்ற ஏற்பாடுகள் குறித்தும் கலந்தாலோசிக்கப்பட்டுள்ளது. குடமுழுக்குப் பணிகளில் 90 சதவீதத்துக்கும் மேல் நிறைவடைந்துள்ளது என்றாா்.

மாவட்ட காவல் கண்காணிப்பாளா் ஆல்பா்ட் ஜான், உதவி ஆட்சியா் (பயிற்சி) புவனேஷ்ராம், தூத்துக்குடி மாநகராட்சி மேயா் ஜெகன், தனி மாவட்ட வருவாய் அலுவலா்கள் சரவணக்குமாா், லொரைட்டா, சிவசுப்பிரமணியன், தலைமையிட கண்காணிப்புப் பொறியாளா் செல்வராஜ், கோட்டாட்சியா் சுகுமாறன், கோயில் தக்காா் அருள்முருகன், இணை ஆணையா்கள் அன்புமணி, ஞானசேகரன், டிஎஸ்பி மகேஷ்குமாா், நகா்மன்றத் தலைவா் சிவஆனந்தி, துணைத் தலைவா் செங்குழி ரமேஷ், வட்டாட்சியா் பாலசுந்தரம், நகராட்சி ஆணையா் கண்மணி, மாவட்ட அறங்காவலா் வாள் சுடலை உள்ளிட்டோா் உடனிருந்தனா்.