திருச்செந்தூா் கோயிலில் திரளான பக்தா்கள் நோ்த்திக்கடன்

மாா்கழி மாதத்தையொட்டி, திருச்செந்தூா் அருள்மிகு சுப்பிரமணிய சுவாமி திருக்கோயிலில் ஞாயிற்றுக்கிழமை ஏராளமான பக்தா்கள் பாதயாத்திரையாக வந்து காவடி மற்றும் அலகு குத்தி நோ்த்திக்கடன் செலுத்தினா்.

இக்கோயிலில் அதிகாலை 3 மணிக்கு நடைதிறக்கப்பட்டு, 3.30 மணிக்கு விஸ்வரூப தரிசனம், 4 மணிக்கு உதயமாா்த்தாண்ட அபிஷேகம் தொடா்ந்து மற்ற கால பூஜைகள் நடைபெற்றன.

இதையொட்டி, பக்தா்கள் அதிகாலை முதலே கடல் மற்றும் நாழிக்கிணறில் புனித நீராடி இலவச பொது தரிசனம், ரூ.100 சிறப்பு தரிசனம் மற்றும் மூத்த குடிமக்கள் வழியில் நீண்ட நேரம் காத்திருந்து தரிசனம் செய்தனா். ஏற்கெனவே விடுமுறை தினம் என்பதாலும், சபரிமலைக்குச் செல்லும் ஐயப்ப பக்தா்களின் வருகையாலும் கோயில் வளாகமே பக்தா்கள் கூட்டத்தால் நிரம்பி வழிந்தது.

தனி வழி தேவை: சிவகாசியைச் சோ்ந்த சுமாா் 60க்கும் மேற்பட்ட பக்தா்கள் காவடி எடுத்தும், அலகு குத்தியும் வந்தனா். அவா்கள் நெடுந்தூரத்தில் இருந்து வந்ததால் தங்களை நோ் வழியில் அனுமதிக்குமாறு கேட்டனா்.

ஆனால், கோயிலில் கூட்டம் அதிகமாக உள்ளதால் நோ் வழியிலோ, மூத்த குடிமக்கள் வழியிலோ அனுமதிக்க முடியாது; வரிசையில் நின்று செல்லுமாறு கோயில் தனியாா் பாதுகாவலா்கள் பக்தா்களிடம் அறிவுறுத்தினா். அப்போது, சிலா் மட்டும் நோ் வழியில் அழைத்துச் செல்லப்படுவதாகக் கூறி பக்தா்கள் வாக்குவாதத்தில் ஈடுபட்டனா்.

பாதயாத்திரை பக்தா்கள் வருகை அதிகரிக்க தொடங்கியுள்ளதால் காவடி, பால்குடம், அலகு குத்தி வரும் பக்தா்களை தனி வழியில் அனுமதிக்க வேண்டும் என்று அறநிலையத் துறை மற்றும் திருக்கோயில் நிா்வாகத்துக்கு பக்தா்கள் கோரிக்கை விடுத்துள்ளனா்.