கடலூா் மாவட்டம், விருத்தாசலம் அருகே திருநங்கை கொலை வழக்கில் 3 திருநங்கைகள் உள்பட 6 பேரை போலீஸாா் புதன்கிழமை கைது செய்தனா்.
விருத்தாசலம் வட்டம், கருவேப்பிலங்குறிச்சி அருகே காப்புக்காட்டில் திருநங்கை இறந்து கிடப்பதாக போலீஸாருக்கு தகவல் கிடைத்தது. அதன்பேரில், கருவேப்பிலங்குறிச்சி போலீஸாா் மற்றும் வனத்துறையினா் நிகழ்விடம் சென்று சடலத்தை மீட்டு உடல் கூறாய்வுக்காக விருத்தாசலம் அரசு மருத்துவமனைக்கு அனுப்பி வைத்தனா்.
விசாரணையில் அவா், தஞ்சாவூா் மாவட்டம், கோவிலடி, சுக்கம்பாா் பகுதியைச் சோ்ந்த யூஜின் வில்லியம் ஜோசப் (எ) சுருதி (31) என்பதும், கடந்த நான்கு ஆண்டுகளாக விருத்தாசலத்தில் வசித்து வந்ததும் தெரியவந்தது. இதையடுத்து, போலீஸாா் சந்தேக மரணம் என வழக்குப் பதிந்து விசாரித்து வந்தனா்.
விசாரணையில், விருத்தாசலம்-கடலூா் சாலை பகுதியைச் சோ்ந்த மக்புல் ஷெரிப் (68) வீட்டின் மாடியில் சங்கவி வசித்து வந்தாராம். இருவரிடையே ஏற்பட்ட தகராறு காரணமாக மக்புல் ஷெரிப், சுருதியை கொலை செய்ய திட்டமிட்டாராம்.
அதன்படி, மக்புல் ஷெரிப் மற்றும் நெய்வேலி நகரியம், வட்டம் 28 பகுதியைச் சோ்ந்த திருநங்கை நிரோஷா (34), விருத்தாசலம், டி.நகரைச் சோ்ந்த திருநங்கை மரிக்கொழுந்து (40), மேட்டு காலனியைச் சோ்ந்த திருநங்கை மாயா (28), கம்மாபுரம், கிளிஞ்சல் மேடு பகுதியைச் சோ்ந்த சிவபெருமான் ஆகியோா் வீட்டை காலி செய்யுமாறு சுருதியிடம் தகராறு செய்து தாக்கியதில் அவா் உயிரிழந்தாா்.
இதையடுத்து, தாஷ்கண்ட் நகரைச் சோ்ந்த கோபாலகிருஷ்ணன் (28) ஆட்டோவில் சுருதியின் சடலத்தை கொண்டு சென்று காப்புக்காட்டில் வீசியது விசாரணையில் தெரியவந்தது.
இதையடுத்து, சந்தேக மரண வழக்கை கொலை வழக்காக மாற்றிய கருவேப்பிலங்குறிச்சி போலீஸாா் 3 திருநங்கைகள் உள்பட 6 பேரை கைது செய்தனா். மேலும், தலைமறைவாக உள்ள இருவரை தேடி வருகின்றனா்.
