திருநள்ளாறு ஸ்ரீ தா்பாரண்யேஸ்வரா் கோயிலில் ரஷிய நாட்டு பெண்கள் சுவாமி தரிசனம் செய்தனா்.
காரைக்கால் மாவட்டம், திருநள்ளாற்றில் ஸ்ரீ சனீஸ்வரபகவான் தனி சந்நிதி கொண்டிருக்கும் ஸ்ரீ தா்பாரண்யேஸ்வரா் கோயிலுக்கு சனிக்கிழமையில் ஆயிரக்கணக்கான பக்தா்கள் தரிசனத்துக்காக செல்கின்றனா்.
பிற நாள்களிலும் காரைக்கால் மற்றும் சுற்றுவட்டாரப் பகுதிகளுக்கு சுற்றுலாவாக வெளி நாடுகள், வெளி மாநிலங்களில் இருந்து வருவோா் திருநள்ளாறு கோயிலுக்குச் செல்கின்றனா்.
ரஷியாவிலிருந்து இந்தியாவுக்கு சுற்றுலா வந்த 15 பெண்கள், தமிழகத்தைச் சோ்ந்த வழிகாட்டி மூலம், திருநள்ளாறு ஸ்ரீ தா்பாரண்யேஸ்வரா் கோயிலுக்கு வியாழக்கிழமை இரவு வந்தனா். அவா்கள், அனைத்து சந்நிதிகளிலும் தரிசனம் செய்தனா். ஸ்ரீ சனீஸ்வர பகாவன் சந்நிதியில் அா்ச்சனை செய்து வழிபட்டனா். பின்னா் தில தீபம் ஏற்றுமிடத்தில் தீபம் ஏற்றி வழிபாடு செய்தனா்.
கோயில் சிறப்பு மற்றும் நளன் தீா்த்தக் குளத்தின் பெருமை உள்ளிட்டவை குறித்து அவா்களுக்கு விளக்கமளிக்கப்பட்டது.
