சிவகங்கை மாவட்டம், திருப்பத்தூா் ராஜகாளியம்மன் கோயில் அருகே அமைந்துள்ளணௌ ஸ்ரீமுருகன் கோயிலில் வெள்ளிக்கிழமை திருக்கல்யாண வைபவம் நடைபெற்றது.
ஸ்ரீமுருகன் திருக்கோயிலில் நவ, 2- ஆம் தேதி காப்புக்கட்டுதலுடன் கந்தசஷ்டி விழா தொடங்கியது. இதையடுத்து தினமும் மாலையில் முருகப்பெருமானுக்கு சிறப்பு அபிஷேகம் அலங்கார தீபாராதனை நடைபெற்றது. 6 -ஆம் திருநாளான சூரசம்ஹாரம் வியாழக்கிழமை நடைபெற்றது. தொடா்ந்து, வெள்ளிக்கிழமை திருக்கல்யாண வைபவத்தை முன்னிட்டு அதிகாலையிலேயே மூலவருக்கு அபிஷேகம் நடைபெற்று ராஜஅலங்காரத்தில் காட்சியளித்தாா். காலை 10 மணிக்கு ஆதித்திருத்தளிநாதா் கோவிலிருந்து பெண்கள் திருமண சீா்வரிசை எடுத்து ஊா்வலமாக வந்து ராஜகாளியம்மன் கோயில் முருகன் கோயிலை வலம் வந்து திருமணப் பந்தலில் வைத்தனா்.
பின்னா், மண மேடையில் திருமணக் கோலத்தில் வள்ளி தெய்வானை சமேத உற்சவ முருகன் எழுந்தருளினாா். தொடா்ந்து பிள்ளையாா்பட்டி சிவாச்சாரியா்கள் கலந்து கொண்டு வேதமந்திரங்கள் முழங்க கன்னிகாதானம், பூணூல் மாற்றுதல், காப்புக்கட்டுதல், பட்டு சாற்றுதல் மாலைமாற்றுதல், முதலிய நிகழ்வுகளைத் தொடா்ந்து, திருப்பூட்டு வைபவம் நடைபெற்றது. பின்னா் வாத்திய கோஷம் முழங்க மகாதீபாராதனை நடைபெற்றது.
பிரசாதமாக பெண்களுக்கு மாங்கல்யகயிறு, குங்குமம், மஞ்சள், வழங்கபட்டன. பின்னா் கோயில் வளாகத்தில் திருமண விருந்து நடைபெற்றது. மாலை 6 மணியளவில் உற்சவா் மின்னெளி ரதத்தில் நகரின் முக்கிய வீதிகள் வழியாக திருவீதி உலா வந்தாா். விழாவுக்கான ஏற்பாடுகளை கந்தசஷ்டி விழாக் குழுவினா் செய்தனா்.
மானாமதுரை:
சிவகங்கை மாவட்டம், மானாமதுரை முருகன் கோயிலில் கந்தசஷ்டி விழாவின் நிறைவாக வெள்ளிக்கிழமை பாவாடை நெய்வேத்திய வழிபாடு நடைபெற்றது.
இதையொட்டி, வள்ளி, தெய்வானை சமேத முருகப் பெருமானுக்கு 16 வகையான பொருள்களால் அபிஷேகம் நடைபெற்று, முருகப்பெருமான் வெள்ளிக்கவச அலங்காரத்தில் எழுந்தருளினாா்.
இதைத்தொடா்ந்து, சுவாமிக்கு தயிா் சாதத்தால் படையலிட்டு சிறப்புப் பூஜைகள், தீபாராதனைகள் நடைபெற்றன. இதில், திரளான பக்தா்கள் கலந்து கொண்டு சுவாமி தரிசனம் செய்தனா்.
