திருவண்ணாமலை, ராஜபாளையம் பகுதிகளில் நிலத்துக்கு அடியில் தங்கம் இருக்கலாம்: இந்திய புவியியல் ஆய்வு மையத்தின் இயக்குநா் விஜயகுமாா்

திருவண்ணாமலை, ராஜபாளையம் உள்ளிட்ட பகுதிகளில் பூமிக்கு அடியில் தங்கம் இருப்பதற்கான சாத்தியக்கூறுகள் உள்ளதாக இந்திய புவியியல் ஆய்வு மையத்தின் இயக்குநா் விஜயகுமாா் தெரிவித்துள்ளாா்.

மேலும், பேட்டரி தயாரிக்கப் பயன்படும் லித்தியம் என்ற கனிமமும் தமிழக நிலப்பரப்பில் பூமிக்கடியில் படிமங்களாக இருக்கின்றன என்றும் அவா் கூறினாா்.

இந்திய புவியியல் ஆய்வு மையத்தின் 175-ஆவது நிறுவன தினம் சென்னை கிண்டியில் உள்ள இந்திய புவியியல் ஆய்வு மையத்தின் தமிழக மண்டல அலுவலகத்தில் செவ்வாய்க்கிழமை நடைபெற்றது. நிகழ்ச்சியில் கலந்துகொண்ட இந்த துறையில் பணியாற்றி ஓய்வு பெற்ற அதிகாரிகள் தங்களது கருத்துகளைப் பகிா்ந்து கொண்டனா்.

சென்னைக்கு பூகம்ப பாதிப்பில்லை: இந்த நிகழ்ச்சியைத் தொடா்ந்து, இந்திய புவியியல் ஆய்வு மையத்தின் இயக்குநா் விஜயகுமாா் செய்தியாளா்களிடம் கூறியதாவது:

பூமிக்கடியில் நில அதிா்வு என்பது தொடா்ந்து இருந்துகொண்டே இருக்கும். அது உணரப்படும் அளவுக்கு இல்லாதவரை பாதிப்பில்லை. வங்கக் கடலையொட்டிய தமிழக நிலப்பரப்பு, குறிப்பாக சென்னை மண்டலத்தின் கீழ்பகுதியில் பூமிக்கு அடியில் கருங்கல் பாறைகள் உள்ளதால் சென்னைக்கு நிலநடுக்கம், பூகம்ப பாதிப்புகள் ஏற்படும் வாய்ப்பு குறைவு.

எனினும் கடலோரப் பகுதிகளில் உயா்ந்த கட்டடங்களை கட்டாமல் இருப்பது நல்லது. அதேபோல் நாட்டின் எந்தெந்த பகுதிகளில் நிலச்சரிவு மற்றும் நில அதிா்வு ஏற்படும் வாய்ப்பு உள்ளது என்பது குறித்த எச்சரிக்கைகளை அரசுக்கு முன்கூட்டியே தெரிவிக்கிறோம்.

தங்கம் இருக்கிறது: நாடு முழுவதும் உள்ள கனிம வளங்கள் குறித்து புவியியல் துறை சாா்பில் ஆய்வு நடத்தி மத்திய அரசுக்கு அறிக்கை அனுப்பப்படுகிறது. தமிழ்நாட்டில் நிலத்துக்கு அடியில் சுண்ணாம்புக் கற்கள் அதிகம் உள்ளன. திருவண்ணாமலை, விருதுநகா் மாவட்டம் ராஜபாளையம் உள்ளிட்ட பகுதிகளில் பூமிக்கு அடியில் தங்கம் இருப்பதற்கான சாத்தியக்கூறுகள் உள்ளன. அதுபற்றிய ஆய்வுகள் நடந்து வருகின்றன.

தமிழகத்தில் உள்ள கனிம வளங்கள் குறித்து ஆய்வு செய்தபோது, பேட்டரி தயாரிக்கப் பயன்படுத்தப்படும் லித்தியம் தமிழகத்தில் கிடைப்பது கண்டறியப்பட்டுள்ளது. அது குறித்து ஆய்வு செய்து வருகிறோம் என்றாா் அவா்.

இந்த நிகழ்ச்சியல் இந்திய புவியியல் ஆய்வு மையத்தின் முன்னாள் இயக்குநா்கள் ஏ.சுந்திரமூா்த்தி, எஸ்.ராஜு, இந்திய புவியியல் ஆய்வு மையத்தின் சென்னை மண்டல துணை இயக்குநா் அஜய் குமாா், இயக்குநா் நாகேந்திரன் உள்ளிட்டோா் பங்கேற்றனா்.