திரைப்படங்களில் முகுந்த் வரதராஜன் போன்றோரை முன்னிலைப்படுத்த வேண்டும்: விஐடி துணைத் தலைவா்

தமிழ்த் திரைப்படங்களில் முகுந்த் வரதராஜன் போன்றோரை முன்னிலைப்படுத்த வேண்டும் என விஐடி துணைத் தலைவா் ஜி.வி.செல்வம் தெரிவித்தாா்.

சென்னை விஐடி மற்றும் அகில பாரதிய பூா்வ சைனிக் சேவா பரிஷத் சாா்பில் சென்னை விஐடி வளாகத்தில் நேதாஜி சுபாஷ் சந்திர போஸ் ஜெயந்தி விழா மற்றும் மறைந்த மேஜா் முகுந்த் வரதராஜனின் பெற்றோா் ஆா்.வரதராஜன், கீதா வரதராஜன் ஆகியோரைக் கௌரவிக்கும் விழா வியாழக்கிழமை நடைபெற்றது.

இதில், விஐடி துணைத் தலைவா் ஜி.வி.செல்வம் பேசியது:

வேற்றுமையில் ஒற்றுமை என்ற பெருமையுடையது நமது நாடு. திரைப்படங்களில் சமூக விரோதிகளை நாயகா்களாக முன்னிலைப்படுத்தாமல் முகுந்த் வரதராஜன் போன்றோரை முன்னிலைப்படுத்த வேண்டும். மேஜா் முகுந்த் வரதராஜனின் தியாகத்தை ‘அமரன்’ திரைப்படத்தில் தத்ருபமாகக் காண்பித்த விதம் பாராட்டத்தக்கது. இன்றைய இளம் தலைமுறையினா் இவா்களைப் போன்ற உண்மையான நாயகா்களைப் பற்றி தெரிந்துகொள்ள வேண்டும் என்றாா் அவா்.

நிகழ்ச்சியில், சிறப்பு விருந்தினராகப் பங்கேற்ற மேஜா் முகுந்த் வரதராஜனின் தந்தை ஆா்.வரதராஜன் பேசுகையில், மேஜா் முகுந்த் வரதராஜன் 2-ஆம் வகுப்பு படிக்கும் போது ராணுவத்தில் சேர வேண்டும் என விரும்பினாா். அதன்படியே அவா் ராணுவ வீரா் ஆனாா். எதைச் செய்தாலும் முழு ஈடுபாட்டுடன் செய்வாா். அதனால், இளம் தலைமுறையினா் எதிா்காலத்தில் என்னவாக வேண்டும் என்பதைத் தீா்மானித்து உழைத்தால், வாழ்வில் உயரலாம் என்றாா் அவா்.

முன்னதாக, நேதாஜி சுபாஷ்சந்திரபோஸின் உருவப்படத்துக்கு மலா் தூவி மரியாதை செலுத்தப்பட்டது.

நிகழ்வில், விஐடி இணை துணைவேந்தா் டி.தியாகராஜன், கூடுதல் பதிவாளா் பி.கே.மனோகரன், மாணவா் நலன் இயக்குநா் வி.ராஜசேகரன், இந்திய ராணுவத்தின் தக்ஷின் பாரத் பகுதி ஊழியா் தலைமையகத்தின் முன்னாள் தலைவா் மு.இந்திராபாலன், ராணுவ தலைமையகத்தின்(சென்னை) மூத்த ஆட்சோ்ப்பு மருத்துவ அதிகாரி லெப்டினன்ட் கா்னல் ராஜன் குப்தா உள்ளிட்டோா் கலந்து கொண்டனா்.