சென்னை, வடபழனியில் உள்ள திரையரங்கில் இளைஞா்கள் மீது தாக்குதல் நடத்தியது தொடா்பாக 3 போ் கைது செய்யப்பட்டனா்.
கடலூரைச் சோ்ந்த ஜெகா (21) என்பவா், சென்னையில் தங்கியிருந்து உணவு விநியோகிக்கும் நிறுவனத்தில் பணிபுரிந்து வருகிறாா். ஜெகா தனது நண்பா்கள் சந்தோஷ், சிவா, விக்கி ஆகியோருடன் கடந்த 28-ஆம் தேதி இரவு வடபழனியிலுள்ள பிரபலமான திரையரங்கில் திரைப்படம் பாா்த்துக் கொண்டிருந்தாா். அப்போது, சந்தோஷின் கால் முன் இருக்கையில் பட்டுள்ளது. இதனால், அந்த இருக்கையிலிருந்த இளைஞா் கோபம் அடைந்து திட்டியதில் இரு தரப்புக்கும் இடையே வாக்குவாதம் ஏற்பட்டது.
இந்நிலையில் திரைப்படம் முடிந்த பின்னா், ஜெகா தனது நண்பா்களுடன் திரையரங்கை விட்டு வெளியே வந்தாா். அப்போது அவா்களுடன் திரையரங்கில் தகராறு செய்தவா்கள், ஜெகாவையும், அவரது நண்பா்கலையும் மதுபாட்டில்களாலும், உருட்டுக் கட்டைகளாலும் தாக்கிவிட்டு தப்பியோடினா். இதில் காயமடைந்த ஜெகா உள்பட 4 பேரும் அருகில் உள்ள மருத்துவமனையில் சிகிச்சைக்காக சோ்க்கப்பட்டனா்.
இது குறித்து வடபழனி போலீஸாா் வழக்குப் பதிந்து நடத்திய விசாரணையில் ஜெகாவையும், அவரது நண்பா்களையும் தாக்கியது அம்பத்தூா், மேனாம்பேடு பகுதியைச் சோ்ந்த தனுஷ் (23), கோடம்பாக்கம் பூபதி நகரைச் சோ்ந்த ஈஸ்வரன் (27), நுங்கம்பாக்கம் கிராமத் தெருவைச் சோ்ந்த ராகேஷ் குமாா் (27) என்பது தெரியவந்தது.
இதையடுத்து தலைமறைவாக இருந்த 3 பேரையும் போலீஸாா் திங்கள்கிழமை கைது செய்தனா். இந்த வழக்கு தொடா்பாக போலீஸாா் மேலும் சிலரை தேடி வருகின்றனா்.
