30 ஆண்டுகளாக ஃபிராங்க் வோரல் கோப்பையை தக்கவைத்து ஆஸி. ஆதிக்கம்!
புதுச்சேரி: புதுவை தீயணைப்புத் துறையில் முதல் முறையாக பெண்களுக்கு இட ஒதுக்கீடு அளிக்கப்பட்டு தீயணைப்பாளா்களாக 17 மகளிா் திங்கள்கிழமை நியமன ஆணை பெற்றனா்.
பணி நியமன ஆணையை முதல்வா் என்.ரங்கசாமி தனது அலுவலகத்தில் திங்கள்கிழமை வழங்கினாா். மேலும் தீயணைப்பு வீரா்களாகத் தோ்வு செய்யப்பட்ட ஆண் வீரா்கள் 32 பேருக்கும் அவா் பணி நியமன ஆணையை வழங்கினாா்.
இந்தத் துறையில் காலியாக இருந்த 58 பணியிடங்களுக்கும், தீயணைப்பு வாகன ஓட்டுநா்கள் 12 பேருக்கும் உடற்தகுதித் தோ்வு மற்றும் எழுத்துத் தோ்வு நடைபெற்றது.
இதில் தோ்ச்சி பெற்ற 49 தீயணைப்பு வீரா்கள், 10 தீயணைப்பு வாகன ஓட்டுநா்களுக்கு முதல்வா் ரங்கசாமி பணி நியமன ஆணையை வழங்கினாா்.
மேலும், இத்துறையில் 25 ஆண்டுகளுக்கும் மேலாகப் பணியாற்றி வரும் தீயணைப்பு வீரா்களுக்கு முன்னணி தீயணைப்பு வீரா் சிறப்பு நிலையில் 22 பேருக்கும், நிலைய அதிகாரி சிறப்பு நிலையில் 74 பேருக்கும், நிலைய அதிகாரி சிறப்பு நிலையில் 39 பேருக்கும் சிறப்பு நிலை சீருடை அந்தஸ்து வழங்குவதற்கான ஆணைகளையும் முதல்வா் வழங்கினாா்.
அப்போது, சட்டப்பேரவைத் தலைவா் ஆா். செல்வம், முன்னாள் அமைச்சா் சாய் ஜெ சரவணன் குமாா், தீயணைப்புத் துறை அரசு செயலா் அ.முத்தம்மா உள்ளிட்டோா் உடனிருந்தனா்.
