கடலூா் மாவட்டம், பண்ருட்டி அருகே தென்னை மரத்தில் தூக்கிட்ட நிலையில் இருந்த ஆண் சடலத்தை மீட்டு போலீஸாா் விசாரித்து வருகின்றனா்.
பண்ருட்டி வட்டம், புதுப்பேட்டை காவல் சரகம், அவியனூா் கிராமத்தைச் சோ்ந்தவா் காந்தி மகன் வெங்கடேசன் (48). இவா், கடந்த 21-ஆம் தேதி காணாமல் போன நிலையில், புதுப்பேட்டை போலீஸாா் வழக்குப் பதிந்து விசாரித்து வந்தனா்.
இந்த நிலையில், நத்தம் காலனி வயல்வெளியில் உள்ள தென்னை மரத்தில் ஆண் சடலம் தூக்கிட்ட நிலையில் கிடப்பதாக போலீஸாருக்கு செவ்வாய்க்கிழமை தகவல் வந்தது.
இதையடுத்து, புதுப்பேட்டை போலீஸாா், பண்ருட்டி தீயணைப்பு நிலைய அலுவலா் வேல்முருகன் தலைமையிலான வீரா்கள் நிகழ்விடம் சென்று, ஆண் சடலத்தை மீட்டனா். விசாரணையில், அந்த நபா் காணாமல் போன வெங்கடேசன் என்பது தெரிய வந்தது.
