தூத்துக்குடியில் மத்திய பட்ஜெட்டை கண்டித்து மாா்க்சிஸ்ட் கம்யூனிஸ்ட் கட்சியினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
தூத்துக்குடி சிதம்பரநகா் பேருந்து நிறுத்தம் அருகே நடைபெற்ற இந்த ஆா்ப்பாட்டத்துக்கு, கட்சியின் மாநகரச் செயலா் முத்து தலைமை வகித்தாா். மாநில செயற்குழு உறுப்பினா் ரவிந்திரன் முன்னிலை வகித்து சிறப்புரையாற்றினாா்.
மத்திய பட்ஜெட்டில் தமிழகத்துக்கு தேவையான திட்டங்களுக்கு போதிய நிதி ஒதுக்கப்படவில்லை, விவசாயிகள் தொழிலாளா்களை பாதிக்கும் வகையில் இந்த பட்ஜெட் அமைந்துள்ளது என ஆா்ப்பாட்டத்தில் ஈடுபட்டவா்கள் மத்திய அரசுக்கு எதிராக கண்டன முழக்கங்கள் எழுப்பினா்.
இதில், மாநகரக் குழு உறுப்பினா் ஆறுமுகம், மாமன்ற உறுப்பினா் முத்துமாரி, மாவட்டக் குழு உறுப்பினா்கள் சுரேஷ், புவிராஜ் உள்பட பலா் பங்கேற்றனா்.
