மே தினத்தை முன்னிட்டு அரக்கோணத்தை அடுத்த மேல்பாக்கம் ஊராட்சியில் தூய்மைப் பணியாளா்களுக்கு புத்தாடைகள் வழங்கும் விழா வியாழக்கிழமை நடைபெற்றது.
மேல்பாக்கம் ஊராட்சி கும்பினிபேட்டை கிராமத்தில் பாண்டுரங்கசாமி கோயில் வளாகத்தில் நடைபெற்ற நிகழ்ச்சிக்கு அரக்கோணம் ஒன்றியக் குழு உறுப்பினா் செ.நரேஷ் தலைமை வகித்தாா். அரக்கோணம் ஊராட்சி ஒன்றிய துணை வட்டார வளா்ச்சி அலுவலா் டி.லஜ்வந்தி தூய்மைப் பணியாளா்களுக்கு புதிய சீருடைகள், புத்தாடைகள், கோடைக் காலத்தில் பணிபுரிய தொப்பிகள், ஒரு நாள் உணவு, ரொக்க சன்மானம் ஆகியவற்றை வழங்கினாா். ஊராட்சி எழுத்தா் நாகராஜ் நன்றி தெரிவித்தாா்.
