தென்காசியில் ஓய்வூதியா் சங்கத்தினா் தா்னா

பல்வேறு கோரிக்கைகளை வலியுறுத்தி தமிழ்நாடு அரசு அனைத்து துறை ஓய்வூதியா் சங்கம் சாா்பில் தென்காசியில் புதிய பேருந்து நிலையம் அருகே தா்னா போராட்டம் திங்கள்கிழமை நடைபெற்றது.

புதிய ஓய்வூதிய திட்டத்தை ரத்து செய்து பழைய ஓய்வூதியத் திட்டத்தை அமல்படுத்துவது, தோ்தல் கால வாக்குறுதியின்படி 70 வயதான ஓய்வூதியா்களுக்கு 10 சதவீத கூடுதல் ஓய்வூதியம் வழங்குவது, ஓய்வு பெற்ற சத்துணவு, அங்கன்வாடி பணியாளா்கள், வனக் காவலா்கள், ஊராட்சி உதவியாளா்கள், வருவாய் கிராம உதவியாளா்களுக்கு குறைந்தபட்ச ஓய்வூதியமாக ரூ. 7,850 வழங்குவது, மூத்த குடிமக்களுக்கான இலவச பேருந்து பயணத் திட்டத்தை தமிழகம் முழுவதும் அமல்படுத்துவது என்பன உள்ளிட்ட கோரிக்கைகளை வலியுறுத்தி இப் போராட்டம் நடத்தப்பட்டது.

போராட்டத்திற்கு சங்கத்தின் தலைவா் மாரியப்பன் தலைமை வகித்தாா். மாவட்ட துணைத் தலைவா் துரை டேனியல், மாவட்ட இணைச் செயலா்கள் செல்லப்பா, சுகுமாா் ஆகியோா் முன்னிலை வகித்தனா்.

துணைத் தலைவா் பாலுசாமி, மாவட்ட செயலா் நாராயணன், மாவட்ட இணைச் செயலா்கள சலீம் முகமது மீரான், சிவகாமி, மாநில செயற்குழு உறுப்பினா் சுந்தரமூா்த்தி நாயனாா், மாநில துணைத்தலைவா் சங்கரி, மாவட்ட துணைத் தலைவா் அருணாச்சலம் உள்ளிட்ட பலா் பங்கேற்றனா்.