சஞ்சய் பஸ்தியில் தூய்மைப் பிரசாரம்: முதல்வா் ரேகா குப்தா பங்கேற்பு
தேசிய ஜனநாயக கூட்டணியில் (என்டிஏ) பிணைப்பு மற்றும் ஒருங்கிணைப்பைப் பேண வேண்டும் என்று பிரதமா் நரேந்திர மோடி வலியுறுத்தினாா்.
பிராந்திய ரீதியில் சொந்த பலத்தை பொருள்படுத்தாமல், பாஜக மற்றும் கூட்டணி கட்சிகள் ஒன்றுபட்டு செயலாற்ற வேண்டும் என்று அவா் கேட்டுக் கொண்டாா்.
நாட்டில் மொத்தமுள்ள 28 மாநிலங்களில் 19-இல் பாஜக மற்றும் அதன் கூட்டணி ஆட்சி நடைபெறுகிறது; பிகாரில் நடப்பாண்டு இறுதியிலும், தமிழகம் உள்ளிட்ட சில மாநிலங்களில் அடுத்த ஆண்டிலும் பேரவைத் தோ்தல் நடைபெறவிருக்கும் நிலையில், பிரதமரின் கருத்துகள் முக்கியத்துவம் பெற்றுள்ளன.
நடப்பு மழைக்கால கூட்டத் தொடரையொட்டி, நாடாளுமன்ற நூலக கட்டடத்தில் தேசிய ஜனநாய கூட்டணி எம்.பி.க்களின் கூட்டம் செவ்வாய்க்கிழமை நடைபெற்றது. மத்தியில் கடந்த 2024-இல் பதவியேற்றப் பிறகு தற்போது இரண்டாவது முறையாக, கூட்டணி எம்.பி.க்களின் கூட்டம் நடைபெற்றுள்ளது.
இக்கூட்டத்தில், தேசிய ஜனநாயக கூட்டணியின் நீண்ட கால வெற்றிப் பயணம் மற்றும் பல்வேறு சாதனைகளைக் குறிப்பிட்டு, பிரதமா் மோடி உரையாற்றியதாக மத்திய அமைச்சா் கிரண் ரிஜிஜு தெரிவித்தாா்.
பிரதமரின் உரை குறித்து தகவலறிந்த வட்டாரங்கள் கூறியதாவது: இயல்பான-இயற்கையான கூட்டணி என்பதே தேசிய ஜனநாயக கூட்டணியின் கூட்டு அடையாளகும். இது, கடந்த 1998-இல் நிறுவப்பட்டதில் இருந்து பல்வேறு வெற்றிகள் மற்றும் சாதனைகளால் நிறைந்துள்ளது.
சில இடங்களில், தனது கூட்டணி கட்சிகளைப் போல பாஜக வலுவுடன் இல்லாமல் இருக்கலாம். ஆனால், கூட்டணி உறுப்பினா்களாக ஒவ்வொருவரும் இணைந்து செயல்பட வேண்டும். சுதந்திர தினத்தையொட்டி, பாஜக சாா்பில் முன்னெடுக்கப்படும் மூவண்ணக் கொடி யாத்திரை உள்ளிட்ட நிகழ்வுகளில் கூட்டணிக் கட்சியினரும் உற்சாகத்துடன் பங்கேற்க வேண்டும்.
ராகுல் மீது விமா்சனம்: அரசமைப்புச் சட்டத்தின் 370-ஆவது பிரிவு (ஜம்மு-காஷ்மீருக்கான சிறப்பு அந்தஸ்து) நீக்கப்பட்ட நாளான ஆகஸ்ட் 5 வரலாற்றுச் சிறப்புமிக்கதாகும். இதேநாளில்தான், அயோத்தி ராமா் கோயிலுக்கும் அடிக்கல் நாட்டப்பட்டது. தேசிய ஜனநாயக கூட்டணி மட்டுமே, அரசமைப்புச் சட்டத்தை அதன் உண்மையான ஆன்மாவின்படி பின்பற்றி வருகிறது.
‘ஆபரேஷன் சிந்தூா்’ நடவடிக்கை குறித்து நாடாளுமன்றத்தில் விவாதம் கோரியது எதிா்க்கட்சிகளின் பெரிய தவறு. அதற்காக அவா்கள் வருத்தப்பட வேண்டும். நாட்டின் நிலப்பரப்பு மற்றும் பாதுகாப்பு குறித்த ராகுல் கருத்துகள் கருத்துகள் அடிப்படையற்றவை; சிறு பிள்ளைத்தனமானவை. அவருக்கு நீதிமன்றம் சரியான பாடம் புகட்டியுள்ளது என்று பிரதமா் மோடி கூறியதாக தகவலறிந்த வட்டாரங்கள் தெரிவித்தன.
ஆபரேஷன் சிந்தூா்-மகாதேவ்: பிரதமரை பாராட்டித் தீா்மானம்
பாகிஸ்தான் மீதான ‘ஆபரேஷன் சிந்தூா்’, பஹல்காம் தாக்குதலில் ஈடுபட்ட 3 லஷ்கா் பயங்கரவாதிகள் கொல்லப்பட்ட ‘ஆபரேஷன் மகாதேவ்’ ஆகிய வெற்றிகர நடவடிக்கைகளுக்காக, பிரதமா் மோடியின் வலுவான தலைமை மற்றும் ஆயுதப் படையினரின் தன்னிகரற்ற துணிவைப் பாராட்டி, தேசிய ஜனநாயக கூட்டணி எம்.பி.க்கள் கூட்டத்தில் தீா்மானம் நிறைவேற்றப்பட்டது.
பாகிஸ்தானின் பயங்கரவாத ஆதரவு நிலைப்பாட்டை அம்பலப்படுத்தும் நோக்கில், 32 நாடுகளுக்கு 7 எம்.பி.க்கள் தலைமையில் அனைத்துக் கட்சிக் குழுக்கள் அனுப்பப்பட்ட வியூக நடவடிக்கைக்கும் பாராட்டு தெரிவிக்கப்பட்டுள்ளது.
