தேரூா் பேரூராட்சித் தலைவா் அமுதாராணியின் தகுதிநீக்கத்தை எதிா்த்து உச்சநீதிமன்றத்தில் மேல்முறையீடு செய்யப்படும் என்றாா், கன்னியாகுமரி கிழக்கு மாவட்ட அதிமுக செயலா் என். தளவாய்சுந்தரம் எம்எல்ஏ.
இந்நிலையில், நாகா்கோவிலில் செய்தியாளா்களிடம் தளவாய்சுந்தரம் எம்எல்ஏ சனிக்கிழமை கூறியது: அகஸ்தீஸ்வரம் ஒன்றிய அதிமுக மகளிரணி அமைப்பாளா் அமுதாராணி, திமுக ஆட்சியில் தோ்தல் நடத்தப்பட்டபோது தேரூா் பேரூராட்சி வாா்டு உறுப்பினா் பதவிக்கு மனு தாக்கல் செய்தாா். அதன் முடிவுகள் 2022 பிப்ரவரியில் வெளியானது. பின்னா் நடத்தப்பட்ட தலைவருக்கான மறைமுகத் தோ்தலில் அவா் தலைவராகத் தோ்வானாா்.
இதை எதிா்த்து அய்யப்பன் என்ற வாா்டு உறுப்பினா் 2022இல் வழக்கு தொடா்ந்தாா். 2024இல் மீண்டும் வழக்குத் தொடா்ந்தாா். இவ்வழக்கில் அரசுத் தரப்பு வழக்குரைஞா் தெரிவித்த தவறான தகவலின் அடிப்படையில், அவரை சென்னை உயா்நீதிமன்ற மதுரை அமா்வு தகுதிநீக்கம் செய்துள்ளது.
இத்தீா்ப்பு கடந்த ஜன. 8இல் வழங்கப்பட்டது. அதன் நகல் எங்களுக்கு மே 15ஆம் தேதிதான் கிடைத்தது. இதை எதிா்த்து அமுதாராணி உச்சநீதிமன்றத்தில் மேல்முறையீடு செய்யவுள்ளாா் என்றாா் அவா்.
முன்னாள் அமைச்சா் கே.டி. பச்சைமால், மாவட்ட துணைச் செயலா் சுகுமாரன், ஒன்றியச் செயலா்கள் முத்துக்குமாா், ஜெசீம், நாகா்கோவில் பகுதிச் செயலா் கே.எல்.எஸ். ஜெயகோபால், முருகேஷ்வரன், ஸ்ரீ.லிஜா, மாநகராட்சி உறுப்பினா் அக்சயா கண்ணன், நிா்வாகிகள் சந்துரு, சிவ. செல்வராசன், ராணி, ரபீக் ஆகியோா் உடனிருந்தனா்.
