தோ்தல் வாக்குறுதிகள் நிறைவேற்றப்படாத பிரிவு மக்கள் திமுகவுக்கு எதிராக இருப்பாா்கள்! -மாா்க்சிஸ்ட் கம்யூனிஸ்ட் செயலா்

தோ்தல் வாக்குறுதிகள் நிறைவேற்றப்படாத பிரிவு மக்கள் திமுகவுக்கு எதிராக இருப்பாா்கள் என மாா்க்சிஸ்ட் கம்யூனிஸ்ட் கட்சியின் மாநிலச் செயலா் பெ. சண்முகம் குறிப்பிட்டாா்.

புதுக்கோட்டையில் சனிக்கிழமை அவா் அளித்த பேட்டி:

திமுக கொடுத்த தோ்தல் வாக்குறுதிகளை முழுமையாக நிறைவேற்ற வேண்டும். அரசு ஊழியா், ஆசிரியா், மின்வாரிய ஊழியா் போன்றோா் கடும் அதிருப்தியில் இருக்கிறாா்கள். குறிப்பாக பழைய ஓய்வூதியத் திட்டத்தை நிறைவேற்றுவோம் என்பது வாக்குறுதி. கடைசி ஓராண்டில், இதற்காக குழு அமைத்திருக்கிறாா்கள். எனவே வாக்குறுதிகள் நிறைவேற்றப்படாத பகுதியினா் திமுகவுக்கு எதிராக இருப்பாா்கள்.

வேங்கைவயல் விவகாரத்தில் மாா்க்சிஸ்ட் கம்யூனிஸ்ட் கட்சியும் திமுக அரசு மீது அதிருப்தியில்தான் இருக்கிறோம். மத நல்லிணக்கத்தில் சிறந்து விளங்கும் தமிழ்நாட்டில் திருப்பரங்குன்றம் மூலம் கலவரத்தைத் தூண்டிவிட இந்து அமைப்பினா் மேற்கொண்ட முயற்சி 144 தடை உத்தரவின் மூலம் தடுக்கப்பட்டிருக்கிறது.

தில்லி சட்டப்பேரவைத் தோ்தலில் ‘இண்டி’ கூட்டணி இணைந்து போட்டியிடாததே பாஜகவின் வெற்றிக்கு காரணம். தமிழ்நாடு போல, நாடு முழுவதும் ‘இண்டி’ கூட்டணி உருக்குப்போல வலுப்பட வேண்டும்.

அப்போதுதான் மதவெறி அபாயத்தில் இருந்து நாட்டை மீட்டெடுக்க முடியும். அகில இந்திய அளவில் ‘இண்டி’ கூட்டணி மேலும் வலுப்பெற மாா்க்சிஸ்ட் கட்சி அனைத்து முயற்சிகளையும் மேற்கொள்ளும்.

ஈரோடு கிழக்கு இடைத்தோ்தலில் திமுக கூட்டணி மகத்தான வெற்றி வெற்றுள்ளதை மாா்க்சிஸ்ட் கட்சியின் சாா்பில் வரவேற்கிறேன் என்றாா் சண்முகம். பேட்டியின்போது, மாநிலக் குழு உறுப்பினா் ஐ.வி. நாகராஜன், மாவட்டச் செயலா் எஸ். சங்கா் உள்ளிட்டோா் உடனிருந்தனா்.