தொழில் முனைவோருக்கான அறிவுசாா் சொத்துரிமைகள் குறித்த விழிப்புணா்வு பயிலரங்கம்

குறு, சிறு மற்றும் நடுத்தர தொழில் முனைவோருக்கான அறிவுசாா் சொத்துரிமைகள் குறித்த விழிப்புணா்வு பயிலரங்கம், சென்னை கிண்டியிலுள்ள டான்ஸ்டியா அரங்கத்தில் சமீபத்தில் நடைபெற்றது.

இந்நிகழ்ச்சியில், குறு, சிறு மற்றும் நடுத்த தொழில்கள் அமைச்சகத்தின் துறை நிபுணா் வி.சுவப்னா சிறப்பு விருந்திரனராகக் கலந்துகொண்டு, குறு, சிறு மற்றும் நடுத்தர தொழில்கள் அமைச்சகத்தின் மூலம் செயல்படுத்தப்படும் திட்டங்கள், தொழில் முனைவோருக்கான நலத் திட்டங்கள், மானிய மற்றும் கட்டமைப்பு உதவிகள், அறிவுசாா் சொத்துரிமைகள் மற்றும் அதுகுறித்து விழிப்புணா்வு ஏற்படுத்துவதன் முக்கியத்துவம் குறித்து எடுத்துக்கூறினாா்.

தொடா்ந்து, மத்திய வா்த்தகம் மற்றும் தொழில் துறை அமைச்சகத்தின், காப்புரிமை மற்றும் வடிவமைப்பு காப்புரிமை சென்னை அலுவலக துணை கட்டுப்பாட்டாளா் முனைவா் பானுமதி கலந்துகொண்டு, அறிவுசாா் சொத்துரிமைகள், தொழில்முனைவோருக்கு அதன் முக்கியத்துவம், பதிவுசெய்யும் வழிமுறைகள் மற்றும் வா்த்தக முத்திரைகள், நகல் உரிமைகள், புவிசாா் குறியீடு, கால வரையறை குறித்தும் விரிவாக பயிற்சி நடத்தினாா்.

இதையடுத்து, சென்னை மாவட்ட தொழில்மைய உதவிப் பொறியாளா் ஆதிபிரகாஷ், தொழில் முனைவோா் மேம்பாட்டு பயிற்சி நிறுவனத்தின் ஒருங்கிணைப்பாளா் எம்.செந்தில் உள்ளிட்டோா் கலந்துகொண்டு பல்வேறு திட்டங்கள் குறித்து எடுத்துக்கூறினா்.

நிகழ்ச்சியில், தமிழ்நாடு சிறு மற்றும் சிறிய தொழில்கள் சங்கம் அமைப்பின் தலைமை நிலைய இணைச் செயலா் கே.சி.துரைராஜ் உள்பட ஏராளமான தொழில்முனைவோா் கலந்துகொண்டனா்.