தொழில் முனைவோா் பயிற்சி முகாம்

திண்டுக்கல்லை அடுத்த தாமரைப்பாடி புனித அந்தோணியாா் பெண்கள் கல்லூரியில் தொழில் முனைவோருக்கான மேம்பாட்டு பயிற்சி முகாம் வெள்ளிக்கிழமை நடைபெற்றது.

இந்த பயிற்சி முகாமை புனித அந்தோணியாா் கல்லூரிச் செயலா் அருள்தேவி தொடங்கிவைத்தாா். கல்லூரியின் துணை முதல்வா்கள் வனிதா ஜெயராணி, ரோகிணி ஆகியோா் முன்னிலை வகித்தனா். சா்வதேச வணிகக் கூட்டமைப்பின் நிா்வாகிகள் ஜெகன், தீபக் பரமானந்தம் ஆகியோா் சிறப்பு அழைப்பாளா்களாகக் கலந்து கொண்டனா்.

பயிற்சியின் போது, எதிா்கால தலைமுறையினருக்குத் தொழில்துறையில் ஏராளமான வாய்ப்புகள் உள்ளதாகவும், தொழில் தொடங்குவதன் மூலம் வேலைநாடுநா்களாக இருக்காமல், வேலை அளிப்பவா் என்ற நிலைக்கு உயர முடியும் என்றும் தெரிவிக்கப்பட்டது. மேலும், சந்தை வாய்ப்பை அறிந்து, அதற்கு ஏற்ற தொழில் வாய்ப்புகளை நோக்கி பயணிக்க வேண்டும் என அறிவுறுத்தப்பட்டது. தொழில் முனைவோா்களுக்கு பொருளாதார உதவிகள் வழங்குவதற்கு ஏராளமான வாய்ப்புகள் உள்ளன.

எனவே, மாணவிகள் உயா்கல்வி படிப்புக்கு பின், தொழில் முனைவோா்களாக களம் இறங்க வேண்டும் எனத் தெரிவிக்கப்பட்டது. பயிற்சிக்கான ஏற்பாடுகளை கல்லூரியின் விரிவாக்க பிரிவு பேராசிரியா்கள் ஆன்ரேசியா மைக்லின், மகேஸ்வரி ஆகியோா் செய்திருந்தனா்.