தொழில்நுட்ப வலிமையால் மக்கள் சக்தியை வலுப்படுத்தும் தோ்தல் ஆணையம்: மனதின் குரல் நிகழ்ச்சியில் பிரதமா் புகழாரம்

தொழில்நுட்ப வலிமையால் மக்கள் சக்தியை வலுப்படுத்துகிறது தோ்தல் ஆணையம் என்று மனதின் குரல் நிகழ்ச்சியில் பிரதமா் நரேந்திர மோடி புகழாரம் சூட்டினாா்.

மேலும், தோ்தல்கள் நோ்மையாக நடைபெற தோ்தல் ஆணையம் வெளிப்படுத்தும் உறுதிப்பாடு பாராட்டுக்குரியது என்றும் அவா் குறிப்பிட்டாா்.

தோ்தல்களில் பயன்படுத்தப்படும் மின்னணு வாக்குப்பதிவு இயந்திரங்கள் மீது எதிா்க்கட்சிகள் குறைகூறி வரும் நிலையில், பிரதமரின் இக்கருத்துகள் முக்கியத்துவம் பெற்றுள்ளன.

பிரதமா் மோடி ஒவ்வொரு மாதமும் கடைசி ஞாயிற்றுக்கிழமையன்று ‘மனதின் குரல்’ வானொலி நிகழ்ச்சி வாயிலாக நாட்டு மக்களிடம் உரையாற்றி வருகிறாா். இம்மாதம் கடைசி ஞாயிற்றுக்கிழமையான ஜனவரி 26-ஆம் தேதி குடியரசு தினம் கொண்டாடப்படுவதால், 118-ஆவது மனதின் குரல் நிகழ்ச்சி ஒரு வாரம் முன்னதாக இந்த ஞாயிற்றுக்கிழமை (ஜன.19) ஒலிபரப்பானது.

சட்டமேதை பி.ஆா்.அம்பேத்கா், அரசியல் நிா்ணய சபையின் தலைவா் ராஜேந்திர பிரசாத், ஜன சங்க நிறுவனா் சியாமா பிரசாத் முகா்ஜி ஆகியோரின் பேச்சுகள் அடங்கிய பதிவுகளை ஒலிக்கச் செய்து, பிரதமா் மோடி பேசியதாவது:

நாட்டின் அரசமைப்புச் சட்டம் அமலாகி 75 ஆண்டுகள் நிறைவடைவதால், எதிா்வரும் குடியரசு தினம் மிக சிறப்பானதாகும். இந்த தருணத்தில், அரசியல் நிா்ணய சபையில் அங்கம் வகித்த மகத்தான ஆளுமைகள் அனைவருக்கும் மரியாதை செலுத்துகிறேன்.

தேசிய வாக்காளா் தினம்: ஜனவரி 25-ஆம் தேதி தேசிய வாக்காளா் தினம் கடைப்பிடிக்கப்படவுள்ளது. இந்த தினத்தில்தான் இந்திய தோ்தல் ஆணையம் அமைக்கப்பட்டது. நமது அரசியலமைப்புச் சட்டத்தை உருவாக்கியவா்கள், அதில் தோ்தல் ஆணையத்துக்கு மிக முக்கியமான இடம் அளித்துள்ளனா்.

நாட்டில் 1951-52ஆம் ஆண்டில் முதல்முறையாகத் தோ்தல் நடைபெற்றபோது, இங்கு மக்களாட்சி உயிா்ப்புடன் தொடருமா? என சிலருக்கு ஐயப்பாடுகள் இருந்தன. ஆனால், அனைத்து ஐயப்பாடுகளும் தவறானது என நிரூபிக்கப்பட்டு, ஜனநாயகத்தின் தாயாக இந்தியா விளங்குகிறது. நாட்டில் ஜனநாயகம் செழித்தோங்கியுள்ளது.

நன்றியும் பாராட்டும்: நாட்டின் வாக்களிப்பு செயல்பாடுகளை அவ்வப்போது நவீனப்படுத்தி, பலப்படுத்தி வருவதற்காக தோ்தல் ஆணையத்துக்கு நன்றி தெரிவிக்கிறேன். மக்கள் சக்திக்கு மேலும் வலுசோ்க்க, தொழில்நுட்ப சக்தியை தோ்தல் ஆணையம் பயன்படுத்துகிறது. நோ்மையாக தோ்தல்களை நடத்துவதில் ஆணையம் வெளிப்படுத்தும் அா்ப்பணிப்புக்கு பாராட்டுகள்.

மகா கும்பமேளாவில் மக்கள் கடல்: உத்தர பிரதேசத்தின் பிரயாக்ராஜில் தொடங்கியுள்ள மகா கும்பமேளா, மக்கள் கடலாக காட்சியளிக்கிறது. சமத்துவம் - சகோதரத்துவத்தின் உன்னதமான சங்கமம். பன்முகத் தன்மையை கொண்டாடும் இந்நிகழ்வில் எந்த வேறுபாடும் இல்லை. ஜாதியவாதம் இல்லை. ஒட்டுமொத்த பாரத நாட்டையும் பாரம்பரியங்கள் எப்படி ஓரிழையில் இணைக்கின்றன என்பதை கும்பமேளா உணா்த்துகிறது.

மகா கும்பமேளாவில் இளைஞா்களின் பங்கேற்பு பரவலாக காணப்படுகிறது. இளைய தலைமுறையினா் கலாசாரத்துடன் இணையும்போது அதன் வோ்கள் பலம் பெறுகிறது. கும்பமேளா உலக அளவில் பிரபலமடைவது இந்தியா்கள் அனைவருக்கும் பெருமைக்குரிய விஷயம்.

தமிழக கோயில்களுடன் தொடா்பு: ஒருபுறம் பிரயாக்ராஜ், உஜ்ஜைன், நாசிக், ஹரித்துவாரில் கும்பமேளாவும், மற்றொருபுறம் தென்னகத்தில் கோதாவரி, கிருஷ்ணா, நா்மதை, காவிரி நதிகளின் கரைகளில் புஷ்கரமும் நமது புண்ணிய நதிகளோடும் மக்களின் நம்பிக்கைகளோடும் இணைந்துள்ளன. கும்பகோணம் தொடங்கி திருக்கடையூா், குடவாசல் தொடங்கி திருச்சேறை வரை உள்ள பல ஆலயங்களின் பாரம்பரியங்கள் கும்பமேளாவுடன் தொடா்புடையதாக உள்ளன.

அயோத்தி ஸ்ரீபால ராமரின் பிராண பிரதிஷ்டை ஓராண்டு நிறைவு விழா கடந்த ஜனவரி 11ஆம் தேதி கொண்டாடப்பட்டது. நாடு வளா்ச்சிப் பாதையில் பயணிக்கும் அதே வேளையில், நமது மரபுகளையும் பேண வேண்டும் என்றாா் பிரதமா் மோடி.

ஸ்டாா்ட் அப் மையமாக செங்கல்பட்டு, பிற நகரங்கள்

‘ஸ்டாா்ட் அப்’ இந்தியா திட்டத்தின் 9-ஆம் ஆண்டு தொடக்க தினம் அண்மையில் கடைப்பிடிக்கப்பட்டது; நமது நாட்டில் கடந்த 9 ஆண்டுகளில் உருவான புத்தாக்க நிறுவனங்களில் பாதிக்கும் மேற்பட்டவை இரண்டாம் மற்றும் மூன்றாம் நிலை நகரங்களைச் சோ்ந்தவையாகும். செங்கல்பட்டு, அம்பாலா, ஹிஸாா், பிலாஸ்பூா், குவாலியா் போன்ற நகரங்கள், ஸ்டாா்ட் அப் மையங்களாக உருவெடுத்து வருகின்றன என்றாா் பிரதமா்.

சென்னை ஐஐடி-யின் ‘எக்ஸ்டெம்’ மையத்துக்கு பாராட்டு

‘சென்னை ஐஐடி-யின் ‘எக்ஸ்டெம்’ மையம், விண்வெளி சாா்ந்த தயாரிப்பில் ஈடுபடுவதற்கான புதிய உத்திகள் குறித்து பணியாற்றி வருகிறது. இந்த மையம், நீரை பயன்படுத்தாத கான்கிரீட் கட்டுமானங்கள் போன்ற புரட்சிகரமான நுட்பங்களையும் மேம்படுத்தி வருகிறது. எக்ஸ்டெம்மின் ஆய்வுகள், நாட்டின் ககன்யான் திட்டம் மற்றும் எதிா்கால விண்வெளி நிலையங்களுக்கு வலுசோ்க்கும். இதன் வாயிலாக தயாரிப்புத் துறையில் நவீன தொழில்நுட்பத்துக்கான புதிய பாதை பிறக்கும்’ என்றாா் பிரதமா். இஸ்ரோவின் சமீபத்திய விண்வெளி திட்ட சாதனைகளையும் அவா் குறிப்பிட்டு பேசினாா்.