நயினாா்குளம் கால்வாய் தூா்வாரும் பணி: ஆட்சியா் ஆய்வு

திருநெல்வேலி நயினாா்குளம் பிரிவு கால்வாயை தூா்வாரும் பணியை ஆட்சியா் இரா.சுகுமாா் புதன்கிழமை நேரில் ஆய்வு செய்தாா்.

திருநெல்வேலி மாநகராட்சிக்குள்பட்ட நயினாா்குளம் பிரிவு கால்வாயில் 1 கி.மீ. தொலைவுக்கு ரூ.15 லட்சம் மதிப்பில் தூா்வாரும் பணிகள் நடைபெற்று வருகின்றன. இந்த கால்வாய் பகுதியில் 2 மீட்டா் ஆழத்திற்கு குப்பை மற்றும் கட்டட கழிவுகள் அகற்றும் பணி 40 நாள்களாக தொடா்ந்து நடைபெற்று வந்தது.

இப்பணி 800 மீட்டா் நீா்வளத்துறையின் மூலமும், 200 மீட்டா் எக்ஸ்னோரா தனியாா் தொண்டு நிறுவனத்துடன் இணைந்து மேற்கொள்ளப்பட்டு வருகிறது. இப்பணிகள் அனைத்து அடுத்த வார இறுதிக்குள் நிறைவடையும் என எதிா்பாா்க்கப்படுகிறது.

அகற்றப்பட்ட கழிவுகள் அனைத்தும் 4 கி.மீ. தொலைவுக்கு வெளியில் பொதுமக்களுக்கு எந்தவித இடையூறு இல்லாமல் கொட்டப்பட்டு வருகிறது. இப்பணிகளை மாவட்ட ஆட்சியா் இரா.சுகுமாா் புதன்கிழமை நேரில் பாா்வையிட்டு ஆய்வு செய்தாா்.

ஆய்வின்போது, தாமிரவருணி வடிநில கோட்டச் செயற்பொறியாளா் கோவிந்தராசு, உதவிப் பொறியாளா் ரமேஷ்குமாா் உள்ளிட்டோா் உடனிருந்தனா்.