ஆசிய கோப்பையை வெல்வதே முக்கிய இலக்கு, இந்தியாவை வெல்வது மட்டுமல்ல: பாக். வீரர்
நாகை தனியாா் துறை வேலைவாய்ப்பு முகாம் நடைபெறவுள்ளது என மாவட்ட ஆட்சியா் ப. ஆகாஷ் தெரிவித்துள்ளாா்.
இதுகுறித்து, அவா் வெளியிட்டுள்ள செய்திக்குறிப்பு: நாகை மாவட்டத்தை சோ்ந்த தனியாா் துறை நிறுவனங்களில், வேலை தேடும் இளைஞா்கள் பயனடையும் வகையில், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சாா்பில் செப்.19- ஆம் தேதி தனியாா் துறை வேலைவாய்ப்பு முகாம் நடைபெற உள்ளது. முகாமில் நாகை மற்றும் பிற மாவட்டங்களிலிலிருந்து 25-க்கும் மேற்பட்ட தனியாா் நிறுவனங்கள் பங்கேற்று 500-க்கு மேற்பட்ட வேலைநாடுநா்களை தோ்வு செய்யவுள்ளனா்.
மேலும் 18 முதல் 35 வயதுக்குட்பட்ட 5 முதல் பிளஸ் 2 வகுப்பு வரை படித்தோா், டிப்ளமோ, ஐடிஐ, பொறியியல் உள்பட இதர பட்டதாரிகள் இதில் பங்கேற்று பணிவாய்ப்பு பெறலாம். மேலும், முகாமில் திறன் பயிற்சி, சுயத்தொழில் தொடங்க வங்கிக் கடன் வசதி, அயல்நாட்டு வேலைவாய்ப்பு மற்றும் காவலா் எழுத்துத்தோ்வு குறித்த வழிகாட்டுதலும் இலவசமாக வழங்கப்படவுள்ளது.
எனவே, விருப்பமுள்ள வேலைநாடுநா்கள் தங்களது சுயவிவரஅறிக்கை, கல்விச்சான்றுகள், ஆதாா் அட்டை, கடவுச்சீட்டு அளவு புகைப்படம், முன் அனுபவம் ஏதும் இருப்பின் அதற்கான சான்றிதழ் நகல்களுடன் பங்கேற்று பயன்பெறலாம். மேலும், விவரங்களுக்கு 04365-252701 என்ற தொலைபேசி எண்ணை தொடா்புகொள்ளலாம் என தெரிவித்துள்ளாா்.
