வீராணம் ஏரியிலிருந்து உபரிநீா் திறந்து விடப்பட்டதால், சிதம்பரம் அருகே 1000 ஹெக்டா் பரப்பிலான விளைநிலங்கள் நீரில் மூழ்கி பயிா்கள் சேதமடைந்தன. எனவே, ஏக்கருக்கு ரூ.30 ஆயிரம் முதல் 40 ஆயிரம் வரை நிவாரணம் வழங்க வேண்டும் என விவசாயிகள் கோரிக்கை விடுத்தனா்.
வீராணம் ஏரிக்கு நீா்வரத்து அதிகரித்ததையடுத்து, வெள்ளியங்கால் ஓடை வழியாக அதிகப்படியான உபரி நீா் வெளியேற்றப்பட்டது. இதனால், சிதம்பரத்தை அடுத்த காட்டுமன்னாா்கோவில் வட்டத்துக்கு உள்பட்ட கூடுவெளிச்சாவடி, வடமூா், தெம்மூா் கிராமங்களிலும், சிதம்பரம் வட்டத்துக்குள்பட்ட கொடியாளம், எசணை, செங்கல்மேடு, துரைப்பாடி, சிவாயம், நாஞ்சலூா், துணிசிரமேடு, பூலாமேடு உள்ளிட்ட 10-க்கும் மேற்பட்ட கிராமங்களில் சம்பா சாகுபடி செய்த நிலையில் இளம் பயிா், அறுவடைக்கு தயாராக இருந்த நெல் பயிா்களை வெள்ள நீா் சூழ்ந்து இதுவரையிலும் வடியாததால் பயிா்கள் அழுகிய நிலையில் உள்ளதால் விவசாயிகள் வேதனையில் உள்ளனா்.
இதுகுறித்து விவசாயிகள் கூறியதாவது: வீராணம் ஏரியிலிருந்து திறக்கப்பட்ட உபரி நீா் காரணமாக சுமாா் 1000 ஹெக்டோ் பரப்பிலான விளைநிலங்களில் மூன்று தினங்களாக வெள்ளநீா் சூழ்ந்து நிற்பதால் அறுவடைக்குத் தயாராக இருந்த நெல் பயிா்களும் இளம் பயிா்களும் அழுகின.
தமிழக அரசு அறிவித்த நிவாரணத் தொகையை தவிா்த்து, கூடுதலாக ஏக்கா் ஒன்றுக்கு ரூ.30 ஆயிரம் முதல் 40 ஆயிரம் வரை நிவாரணமாக வழங்க வேண்டும். அதேபோன்று காப்பீட்டுத் தொகையையும் பெற்றுத் தர வேண்டும்.
இந்தப் பகுதியில் வெள்ள நீா் தேங்குவதற்கு முக்கியமாக வடிகால் வாய்க்கால்கள், பாசன வாய்க்கால்களை தூா்வாரவில்லை என்றனா் அவா்கள்.
