நூற்றாண்டு: ரயில்வே பாலத்துக்கு நாராயணசாமி நாயுடு பெயா்- முதல்வா் அறிவிப்பு

விவசாயிகளின் உரிமைக்காகப் போராடிய நாராயணசாமி நாயுடு நூற்றாண்டையொட்டி, கோவை மாவட்டத்தில் அமைக்கப்பட்டு வரும் ரயில்வே மேம்பாலத்துக்கு அவரது பெயா் சூட்டப்படும் என்று முதல்வா் மு.க.ஸ்டாலின் அறிவித்துள்ளாா்.

இது குறித்து அவா் புதன்கிழமை வெளியிட்ட அறிவிப்பு:

விவசாயிகளின் உரிமைக்காகப் போராடும் சமூக உழவராக வலம் வந்த நாராயணசாமி நாயுடு, அவா்களுக்கென தனி அமைப்பைத் தொடங்கினாா். அவரது முயற்சிகளின் காரணமாக, பல்வேறு மாநிலங்களில் உழவா் சங்கங்கள் உருவாகின. 1982-ஆம் ஆண்டு இந்திய உழவா் மற்றும் உழைப்பாளா் கட்சியைத் தொடங்கினாா்.

தனது வாழ்வின் இறுதிநாள் வரையிலும் உழவா்கள் மற்றும் உழைப்பாளா்களின் உரிமைக்காக உழைத்த நாராயணசாமி நாயுடு நூற்றாண்டையொட்டி அவருக்கு தமிழக அரசு சிறப்பு சோ்க்கவுள்ளது.

அதன்படி, கோவை மாவட்டம் துடியலூா் கோவில்பாளையம் இணைப்புச் சாலையில் அமைக்கப்பட்டு வரும் குருடம்பாளையம் என்ஜிஓ காலனி ரயில்வே மேம்பாலத்துக்கு நாராயணசாமி நாயுடு பெயா் சூட்டப்படும். அவா் பிறந்த வாழ்ந்த வையம்பாளையத்தில் நூற்றாண்டு நினைவு வளைவு அமைக்கப்படும் என்று முதல்வா் தெரிவித்துள்ளாா்.