தரையிறங்கும் போது தீப்பிடித்த கனடா விமானம்: பெரும் விபத்து தவிர்ப்பு!
‘பிகாா் முதல்வா் நிதீஷ் குமாா், தனது ஐக்கிய ஜனதா தளம் கட்சியைச் சோ்ந்த நெருங்கிய உதவியாளா்கள் சிலரின் கட்டுப்பாட்டில் உள்ளாா்; அவரால் சுயமாக செயலாற்ற முடியவில்லை’ என்று ராஷ்ட்ரீய ஜனதா தளம் தலைவா் தேஜஸ்வி யாதவ் தெரிவித்துள்ளாா்.
நாடாளுமன்றத்தில் அண்மையில் பி.ஆா்.அம்பேத்கா் தொடா்பாக மத்திய உள்துறை அமைச்சா் அமித் ஷா பேசிய கருத்துகள் சா்ச்சையை ஏற்படுத்தின. அம்பேத்கரை அமித் ஷா அவமதித்துவிட்டதாக எதிா்க்கட்சிகள் குற்றஞ்சாட்டி வருகின்றன.
இந்த விவகாரம் தொடா்பாக பிகாா் முதல்வா் நிதீஷ் குமாருக்கு கடிதம் எழுதிய ஆம் ஆத்மி தேசிய அமைப்பாளா் அரவிந்த் கேஜரிவால், பாஜகவுக்கான தனது ஆதரவை அவா் மறுபரிசீலனை செய்ய வேண்டும் என்று கோரிக்கை விடுத்தாா். அதேநேரம், கேஜரிவாலுக்கு பதில் கடிதம் அனுப்பிய ஐக்கிய ஜனதா தளம் செயல் தலைவா் மனோஜ் ஜா, அமித் ஷாவுக்கு ஆதரவான கருத்துகளைத் தெரிவித்திருந்தாா்.
இந்தச் சூழலில், பாட்னாவில் வெள்ளிக்கிழமை செய்தியாளா்களுக்கு பேட்டியளித்த தேஜஸ்வி யாதவிடம் நிதீஷ் குமாா் மீண்டும் அணிமாற வாய்ப்புள்ளதா? என்று கேள்வியெழுப்பப்பட்டது.
அதற்கு, ‘இது ஊகத்தின் அடிப்படையிலான கேள்வி. தற்போது நிதீஷ் குமாா் சுயமாக செயலாற்றும் நிலையில் இல்லை. அவா் தனது விருப்பப்படி எந்த முடிவையும் எடுப்பதில்லை. ஐக்கிய ஜனதா தளத்தைச் சோ்ந்த நெருங்கிய உதவியாளா்கள் 4 பேரின் கட்டுப்பாட்டில்தான் அவா் இருக்கிறாா். அவா்கள்தான் முடிவெடுக்கின்றனா். அந்த நால்வரில் இருவா் தில்லியிலும் மற்ற இருவா் பிகாரிலும் உள்ளனா்.
பிகாா் முதல்வா் மற்றும் ஐக்கிய ஜனதா தளம் கட்சியின் தேசியத் தலைவா் என்ற அடிப்படையில் நிதீஷ் குமாருக்கு கேஜரிவால் எழுதிய கடிதத்துக்கு மனோஜ் ஜாவிடம் இருந்து பதில் வருகிறது. இதுவே நான் கூறியதற்கு ஒரு உதாரணம் என்றாா் தேஜஸ்வி.
