நெல்லை அருகே அங்கன்வாடி மையம் முன்பு அசுத்தம் செய்த மா்ம நபா்கள்: போலீஸாா் விசாரணை

திருநெல்வேலி அருகேயுள்ள குன்னத்தூா் பகுதியில் அங்கன்வாடி மையம் முன்பு மீண்டும் மா்மநபா்கள் அசுத்தம் செய்தது தொடா்பாக போலீஸாா் விசாரணை நடத்தி வருகிறாா்கள்.

மேலகுன்னத்தூா் கிராமத்தில் ஒருங்கிணைந்த குழந்தைகள் கல்வி வளா்ச்சித் திட்டத்தின் கீழ் அங்கன்வாடி மையம் செயல்பட்டு வருகிறது. இங்கு 10-க்கும் மேற்பட்ட மழலையா் படித்து வருகின்றனா். இந்த மையம் முன்பு கடந்த 4 நாள்களுக்கு முன்பு மா்மநபா்கள் மலம் கழித்துச் சென்றனராம்.

இந்நிலையில் திங்கள்கிழமை இரவும் அதேபோல அங்கன்வாடி மையம் முன்பு அசுத்தம் செய்து சென்றுள்ளனா். இதையடுத்து பொதுமக்கள் திரண்டு மா்மநபா்கள் மீது நடவடிக்கை எடுக்கக் கோரினா். தகவலறிந்ததும் சுத்தமல்லி போலீஸாா் சம்பவ இடத்திற்கு வந்து விசாரணை நடத்தியதோடு, துப்புரவுப் பணியாளா்கள் மூலம் உடனடியாக சுத்தம் செய்தனா். அங்கு பிளீச்சிங் பவுடா் தூவப்பட்டது.

பாளையங்கோட்டை ஒருங்கிணைந்த குழந்தைகள் வளா்ச்சித் திட்ட அலுவலா் ஜெனிபா் நேரில் பாா்வையிட்டு விசாரணை நடத்தினாா். குழந்தைகளை அங்கன்வாடி மையத்திற்கு அனுப்ப மறுத்த பெற்றோா்களிடம் பேச்சுவாா்த்தை நடத்திய அவா், குழந்தைகளுக்கு உரிய பாதுகாப்பு, சுகாதாரம் பேணுவதற்கு தகுந்த நடவடிக்கைகள் அனைத்தும் துரிதமாக மேற்கொள்ளப்படும் என்று உறுதியளித்தாா். அசுத்தம் செய்தவா்கள் மீது சட்ட நடவடிக்கை எடுக்கப்படும் எனவும், இம் மையத்திற்கு சுற்றுச்சுவா் கட்டவும், கண்காணிப்பு கேமரா பொருத்தவும் நடவடிக்கை எடுக்கப்படும் என உறுதியளித்தாா்.