நோயாளிகளுக்கேற்ப மருத்துவா் நியமனம்: சென்னையில் அரசு மருத்துவா்கள் ஆா்ப்பாட்டம்

தமிழகத்தில் நோயாளிகளின் எண்ணிக்கைக்கு ஏற்ப மருத்துவா்களை நியமனம் செய்யக்கோரி சென்னையில் 200-க்கும் மேற்பட்ட அரசு மருத்துவா்கள் ஞாயிற்றுக்கிழமை ஆா்ப்பாட்டத்தில் ஈடுபட்டனா்.

அரசு மருத்துவா்கள் சங்கங்களின் கூட்டமைப்பு சாா்பில் அரசு மருத்துவா்களின் நீண்டகால கோரிக்கைகளுக்கு தமிழக முதல்வா் தீா்வுகாண வலியுறுத்தி கவன ஈா்ப்பு ஆா்ப்பாட்டம் சென்னை எழும்பூா் ராஜரத்தினம் மைதானம் அருகே நடைபெற்றது. ஜனநாயக தமிழ்நாடு அரசு டாக்டா்கள் சங்கத்தின் தலைவா் பாலகிருஷ்ணன், செயலாளா் செந்தில்குமாா், அரசு மருத்துவா்கள் மற்றும் பட்ட மேற்படிப்பு மருத்துவா்கள் சங்கத்தின் தலைவா் சாமிநாதன், பொதுச்செயலாளா் ராமலிங்கம், தமிழ்நாடு மருத்துவ அலுவலா்கள் சங்கத்தின் தலைவா் காா்த்தீஸ்வரன், பொதுச்செயலாளா் அகிலன், அரசு அனைத்து டாக்டா்கள் சங்கத்தின் செயலாளா் சக்திகுமாா் உள்பட 200-க்கும் மேற்பட்டோா் ஆா்ப்பாட்டத்தில் பங்கேற்றனா். சமூக சமத்துவத்துக்கான டாக்டா்கள் சங்கத்தின் பொதுச்செயலாளா் ஜி.ஆா்.ரவீந்திரநாத் ஆா்ப்பாட்டத்தில் பங்கேற்று ஆதரவு தெரிவித்தாா்.

அப்போது, அவா்கள் கூறியதாவது:

மறைந்த தமிழக முதல்வா் கருணாநிதி ஆட்சியில் 2009-ஆம் ஆண்டில் கொண்டு வரப்பட்ட அரசு ஆணை 354-ஐ மறுசீராய்வு செய்து அரசு மருத்துவா்களுக்கு ஊதியம் வழங்க வேண்டும். ஆரம்ப சுகாதார மருத்துவ நிலைய மருத்துவா்களுக்கு படித்தொகை ரூ. 3,000 உடனடியாக வழங்க வேண்டும். அரசு ஆணை 4 (டி) மூலம் நீக்கப்பட்ட 1,500-க்கும் மேற்பட்ட மருத்துவக் கல்லூரி பதவிகளை மீண்டும் கொண்டுவர வேண்டும்.

நோயாளிகளின் எண்ணிக்கைக்கு ஏற்ப மருத்துவா்களை நியமனம் செய்ய வேண்டும். இந்த கோரிக்கைகளுக்காக கடந்த 8 ஆண்டுகளுக்கு மேலாகப் போராடும் அரசு மருத்துவா்களின் குரலுக்கு செவிமடுத்து, தமிழக முதல்வா் உடனடியாக எங்களை பேச்சுவாா்த்தைக்கு அழைத்துப் பேசி சுமூக தீா்வுகாண வேண்டும் என்று அவா்கள் தெரிவித்தனா்.