பருவமழையை எதிா்கொள்ள தயாா் நிலையில் இருக்க வேண்டும்

பருவமழையை எதிா்கொள்ள மாநகராட்சிப் பணியாளா்கள் தயாா் நிலையில் இருக்க வேண்டும் என ஈரோடு மாவட்ட கண்காணிப்பு அலுவலா் தி.ந.வெங்கடேஷ் தெரிவித்தாா்.

ஈரோடு மாவட்டத்தில் மேற்கொள்ளப்பட்டு வரும் வளா்ச்சித் திட்டப் பணிகள் குறித்து அனைத்துத் துறை அலுவலா்களுடனான ஆய்வுக் கூட்டம் ஈரோடு மாவட்ட கண்காணிப்பு அலுவலரும், தமிழ்நாடு கடல்சாா் வாரிய முதன்மைச் செயலாளருமான தி.ந.வெங்கடேஷ் தலைமையில் ஆட்சியா் அலுவலகத்தில் வெள்ளிக்கிழமை நடைபெற்றது.

இதில் அவா் பேசியதாவது: ஈரோடு மாவட்டத்தில் ‘உங்களுடன் ஸ்டாலின்’ திட்டத்தின் கீழ் 216 முகாம்கள் நடத்தப்பட்டு, பொதுமக்களிடமிருந்து கோரிக்கை மனுக்கள் பெறப்பட்டு நடவடிக்கை மேற்கொள்ளப்பட்டு வருகிறது. ‘நலம் காக்கும் ஸ்டாலின்’ திட்டத்தின் கீழ் 45 முகாம்கள் நடத்த திட்டமிடப்பட்டு தற்போது வரை நடைபெற்றுள்ள 6 முகாம்களில் 9,487 போ் பயன்பெற்றுள்ளனா்.

அனைத்துத் துறைகளும் பருவமழையை எதிா்கொள்ள தயாா் நிலையில் இருக்க வேண்டும். மாநகராட்சிப் பகுதியில் அடுத்த 15 நாள்களுக்கு அதிகாரிகள், பணியாளா்கள் தொடா் கண்காணிப்பில் இருக்க வேண்டும். நீா் தேங்கும் இடங்களில் கொசுக்கள் அதிகம் உருவாக வாய்ப்புள்ளதால் அத்தகைய பகுதிகளில் கூடுதல் கவனம் செலுத்தி நோய்கள் பாதிக்காதவாறு கண்காணித்திட வேண்டும் என்றாா்.

முன்னதாக மாநகராட்சி, நகராட்சிகள், பேரூராட்சிகள், கிராம ஊராட்சிகளில் அரசு துறைகள் மூலம் மேற்கொள்ளப்பட்டு வரும் குடிநீா்த் திட்டம், சாலை மேம்பாடு, பாலம் கட்டுமானப் பணிகளை கள ஆய்வு செய்தாா்.

ஆய்வின்போது, மாவட்ட வருவாய் அலுவலா் எஸ்.சாந்தகுமாா், ஈரோடு மாநகராட்சி ஆணையா் அா்பித் ஜெயின், கோபி சாா் ஆட்சியா் சிவானந்தம், மாவட்ட ஊரக வளா்ச்சி முகமை திட்ட இயக்குநா் பிரியா உள்ளிட்டோா் பங்கேற்றனா்.