பள்ளிக் கல்வி இதழ்களில் அதிக படைப்பாளா்களுக்கு வாய்ப்பு: கல்வித் துறை நடவடிக்கை

பள்ளிக் கல்வித் துறை சாா்பில் வெளியிடப்படும் தேன்சிட்டு, புது ஊஞ்சல், கனவு ஆசிரியா் ஆகிய இதழ்களில் அதிகளவிலான படைப்பாளா்களுக்கு வாய்ப்பு வழங்கும் வகையில் கல்வித் துறை நடவடிக்கை மேற்கொண்டுள்ளது.

அதன்படி மாணவா்கள், ஆசிரியா்கள் தங்களது படைப்புகளை நேரடியாக அனுப்பும் வகையில் மின்னஞ்சல் முகவரிகள் வெளியிடப்பட்டுள்ளன.

அரசுப் பள்ளி மாணவா்கள், ஆசிரியா்களுக்கென பருவ இதழ்களை பள்ளிக்கல்வித் துறை கடந்த 2022-ஆம் ஆண்டு தொடங்கியது. அதன்படி, 4 மற்றும் 5-ஆம் வகுப்பு வரை பயிலும் மாணவா்களுக்கு ‘ஊஞ்சல்’ என்கிற இதழும், 6-ஆம் வகுப்பில் இருந்து 9-ஆம் வகுப்பு வரை பயிலும் மாணவா்களுக்கு ‘தேன்சிட்டு’ என்ற இதழும் மாதமிரு முறை இதழாக வெளியிடப்படுகின்றன. குழந்தைகளின் ஆக்கங்களோடு, அவா்கள் அறிந்துகொள்ள வேண்டிய தகவல்கள், செய்திகள், சுவையான கதைகள் போன்றவை இந்த இதழ்களில் வெளியிடப்படும்.

குறைந்தளவில் படைப்புகள்: அதேபோன்று ஆசிரியா்களுக்கென வெளியிடப்படும் ‘கனவு ஆசிரியா்’ என்கிற மாத இதழில் ஆசிரியா்களின் படைப்புகளோடும் வகுப்பறை அனுபவங்கள், அவா்களுக்கான சிறப்புக் கட்டுரைகள் வெளியாகின்றன. இந்தப் படைப்புகள் அனைத்தும் அஞ்சல் மூலமாகவோ, மின்னஞ்சல் வழியாகவோ பெறப்பட்டு ஆய்வுக்கு உள்படுத்தப்பட்டு அச்சிட்டு வெளியிடப்பட்டன. இதனால் குறைந்த சதவீத மாணவா்கள், ஆசிரியா்களே இவ்விதழ்களுக்கு படைப்புகள் அனுப்பி வருகின்றனா். அதேபோன்று ஒரு முறை வெளிவந்த படைப்பாளியின் அடுத்தடுத்த படைப்புகளே மீண்டும் பெறப்படுகின்றன. இதனால் திறமையுள்ள அனைத்து ஆசிரியா்கள், மாணவா்களுக்கும் சம வாய்ப்பு வழங்குவது சவாலாக உள்ளது.

எனவே, தமிழ்நாடு பாடநூல் மற்றும் கல்வியியல் பணிகள் கழகத்தின் வழிகாட்டுதலின்படி மூன்று இதழ்களிலும் இடம்பெறும் படைப்புகளுக்கான நெறிமுறைகளைப் பகிா்ந்தால் அவா்கள் தத்தம் படைப்புகளை ஆசிரியா் குழுவுக்கே நேரடியாக அனுப்பிடும் நிலை உருவாகும். இது குறித்து வழிகாட்டுதல்கள் முதன்மைக் கல்வி அலுவலா்களுக்கு அனுப்பி வைக்கப்பட்டுள்ளன. இதனை அவா்கள் அனைத்து அரசுப் பள்ளிகளுக்கும் பகிா்ந்து படைப்புத்திறன் உள்ள அனைவரையும் ஒருங்கிணைத்து வழிநடத்தி படைப்புகளை ஜூன் 30-ஆம் தேதிக்குள் பெற்றுத்தர வேண்டும்.

பாகுபாடு கூடாது: சிறந்த படைப்புகளை உருவாக்கிய தலைமை ஆசிரியா்கள், ஆசிரியா்களைத் தெரிவு செய்யும்போது பாலினம், மதம், இனம், பணி அனுபவம், உடற்தகுதி என எவ்வித பாகுபாடும் இருக்கக் கூடாது. எனவே, மாணவா்கள் தங்களது படைப்புகளை புது ஊஞ்சல் இதழுக்கும் (4,5 வகுப்புகள்), தேன்சிட்டு இதழுக்கும் (6 முதல் 9 வகுப்புகள்), ஆசிரியா்கள் கனவு ஆசிரியா் இதழுக்கு ந்ஹய்ஹஸ்ன்ஹஹள்ண்ழ்ண்ஹ்ஹழ்ஃற்ய்ள்ஸ்ரீட்ா்ா்ப்ள்.ஞ்ா்ஸ்.ண்ய் என்ற மின்னஞ்சல் முகவரிக்கும் நேரடியாக அனுப்பி வைக்கலாம் என பள்ளிக் கல்வி இயக்குநா் எஸ்.கண்ணப்பன் முதன்மைக் கல்வி அலுவலா்களுக்கு அனுப்பியுள்ள சுற்றறிக்கையில் தெரிவிக்கப்பட்டுள்ளது.