நகா்ப்புற வாழ்விட மேம்பாட்டு வாரியத்தின் 4,978 குடியிருப்புகள்: முதல்வா் மு.க.ஸ்டாலின் திறந்து வைத்தாா்

நகா்ப்புற வாழ்விட மேம்பாட்டு வாரியத்தின் சாா்பில் கட்டப்பட்டுள்ள 4,978 குடியிருப்புகளை முதல்வா் மு.க.ஸ்டாலின் செவ்வாய்க்கிழமை காணொலி மூலம் திறந்து வைத்தாா்.

இதுகுறித்து தமிழக அரசு வெளியிட்ட செய்தி: அனைவருக்கும் வீட்டு வசதித் திட்டத்தின் கீழ், சென்னையில் கைலாசபுரம் திட்டப் பகுதி, விருதுநகா் சம்மந்தபுரம், மதுரை மாவட்டம் உச்சபட்டி, புதுக்கோட்டை மாவட்டம் சந்தைபேட்டை, கள்ளக்குறிச்சி கீரனூா், திருப்பூா் ஹைடெக் பாா்க் நகா், காஞ்சிபுரம் மாவட்டம் சாலமங்கலம், கடலூா் மாவட்டம் கீழக்குப்பம், பாலக்கொல்லை, ஈரோடு மாவட்டம் கவுந்தப்பாடி, திருவாரூா் மாவட்டம் கண்டிதம்பேட்டை, கரூா் மாவட்டம் வேலம்பாடி ஆகிய இடங்களில் நகா்ப்புற வாழ்விட மேம்பாட்டு வாரியம் சாா்பில் புதிதாக அடுக்குமாடி குடியிருப்புகள் கட்டப்பட்டுள்ளன.

மொத்தமாக ரூ.527.84 கோடி செலவில் கட்டப்பட்ட 4,978 அடுக்குமாடி குடியிருப்புகளை தலைமைச் செயலகத்தில் இருந்து காணொலி மூலம் முதல்வா் மு.க.ஸ்டாலின் திறந்து வைத்தாா்.

சிஎம்டிஏ- வணிக வளாகங்கள்: வீட்டுவசதி வாரியத்தின் சாா்பில் சென்னை நெற்குன்றம், சிஐடி நகா் பகுதி, மதுரை மாவட்டம் தோப்பூா் ஆகிய இடங்களில் புதிதாக வணிக வளாகங்கள் கட்டப்பட்டுள்ளதுடன், சென்னை பெருநகர வளா்ச்சிக் குழுமம் சாா்பில், மீஞ்சூா், வெள்ளனூா், வரதராஜபுரம், திருநாகேஸ்வரம், சென்னை தியாகராயநகா் சோமசுந்தரம் விளையாட்டு மைதானம் ஆகிய இடங்களில் உள்கட்டமைப்பு வசதிகள் மேம்படுத்தப்பட்டுள்ளன. இவற்றையும் முதல்வா் திறந்து வைத்தாா்.

மேலும், சென்னையின் பல்வேறு பகுதிகளில் ரூ.255.60 கோடி மதிப்பிலான 20 புதிய திட்டப் பணிகளுக்கும் அவா் அடிக்கல் நாட்டினாா்.

இந்த நிகழ்ச்சியில், அமைச்சா்கள் சு.முத்துசாமி, தா.மோ.அன்பரசன், பி.கே.சேகா்பாபு, தலைமைச் செயலா் நா.முருகானந்தம், வீட்டுவசதி மற்றும் நகா்ப்புற வளா்ச்சித் துறை கூடுதல் தலைமைச் செயலா் காகா்லா உஷா, சென்னை பெருநகர வளா்ச்சிக் குழுமத்தின் முதன்மைச் செயல் அலுவலா் அ.சிவஞானம் உள்பட பலா் பங்கேற்றனா்.