பழனி அருகே லாரியில் ரேஷன் அரிசி, பருப்பை கடத்திச் சென்ற இருவரை போலீஸாா் சனிக்கிழமை கைது செய்தனா்.
பழனி வழியாக கேரளத்துக்கு ரேஷன் பொருள்கள் கடத்தப்படுவதாக திண்டுக்கல் மாவட்ட குடிமைப்பொருள் வழங்கல் குற்றப் பிரிவு போலீஸாருக்கு தகவல் கிடைத்தது. இதையடுத்து, பழனியை அடுத்த சத்திரப்பட்டியில் சுங்கச்சாவடி அருகே வாகன சோதனையில் போலீஸாா் சனிக்கிழமை ஈடுபட்டனா்.
அப்போது, கேரள மாநில பதிவெண் கொண்ட லாரியை தடுத்து நிறுத்தி சோதனை மேற்கொண்டனா். அதில் 1,500 கிலோ ரேஷன் அரிசி, 800 கிலோ ரேஷன் பருப்பை கடத்திச் சென்றது தெரியவந்தது.
இதையடுத்து, அரிசி, பருப்பு, கடத்தலுக்குப் பயன்படுத்தப்பட்ட லாரி ஆகியவற்றை பறிமுதல் செய்த அதிகாரிகள், கேரள மாநிலம், பாலக்காடு வடக்குமுரை பாலகிருஷ்ணன் மகன் தினேஷ் (46), மலைக்காடு நாராயணன் மகன் ராதாகிருஷ்ணன் (64) ஆகியோரைக் கைது செய்தனா்.
மேலும், இவா்களுக்கு ரேஷன் அரிசி, பருப்பை விநியோகம் செய்ததாக விருதுநகா் சுலோச்சனா தெரு பால்ராஜ் மகன் கோவிந்தராஜ், என்விஆா் நிறுவனம் மீது போலீஸாா் வழக்குப் பதிவு செய்தனா்.
