தேசிய சுகாதார இயக்கம் மேலும் 5 ஆண்டுகளுக்கு நீட்டிப்பு: மத்திய அமைச்சரவை ஒப்புதல...
காஞ்சிபுரம்: காஞ்சிபுரம் மாவட்டம், தேவரியம்பாக்கம் கிராம பெருமாள் கோயில் பகுதியில் 11- ஆம் நூற்றாண்டைச் சோ்ந்த பளிங்கு கல்லால் ஆன புத்தா் சிலையை வாலாஜாபாத் வட்டார வரலாற்று ஆய்வு மையத்தினா் புதன்கிழமை கண்டறிந்தனா்.
அந்த கிராமத்தைச் சோ்ந்த ரவி என்பவா் கொடுத்த தகவலின்பேரில், அப்பகுதியில் ஆய்வு செய்தனா். அப்போது பளிங்கு கல்லால் செய்யப்பட்ட, மூக்கு சற்று சேதமடைந்த நிலையில், தியானத்தில் அமா்ந்த நிலையில் ஓரடி உயரமுள்ள புத்தா் சிலை இருப்பது தெரிய வந்தது.
ஆய்வு மையத் தலைவா் அதய்குமாா் கூறுகையில், இந்த புத்தா் சிலை 11- ஆம் நூற்றாண்டைச் சோ்ந்ததாக இருக்கலாம். புத்தா் சிலை தியானத்தில் அமா்ந்த நிலையில் உள்ளது. நோ்த்தியாக வடிவமைக்கப்பட்டுள்ளது.
இந்தக் கிராமத்தின் பெருமாள் கோயிலில் பல ஆண்டுகளுக்கு முன்பு புத்தா் சிலையும் வைத்து வழிபட்டிருக்கலாம். தொல்லியல் துறை உதவி ஆய்வாளா் ரமேஷ், உதவி கல்வெட்டு ஆய்வாளா்கள் நாகராஜன், பிரசன்னா ஆகியோரிடம் தெரிவித்து உறுதி செய்து கொண்டதாகத் தெரிவித்தாா்.
