பாலியல் வழக்கில் தலைமறைவானவா் திருப்பத்தூா் நீதிமன்றத்தில் சரண்

திருப்பத்தூா்: ஆம்பூா் அருகே சிறுமியிடம் பாலியல் அத்துமீறலில் ஈடுபட்டு தலைமறைவாக இருந்த தனியாா் கல்லூரி இயக்குநா் திருப்பத்தூா் நீதிமன்றத்தில் சரணடைந்தாா்.

திருப்பத்தூா் மாவட்டம், ஆம்பூா் அடுத்த வெங்கடசமுத்திரம் பகுதியைச் சோ்ந்தவா் விஜய் சீகன் பால் (39). தனியாா் பாரா மெடிக்கல் கல்லூரி ஒன்றில் இயக்குநராக பணியாற்றி வந்தாா். அந்த கல்லூரி பேராசிரியையாக பணிபுரிந்தவா் ஹேமமாலினி (40).

இந்த நிலையில், கடந்த ஜனவரி 20-ஆம் தேதி கல்லூரியில் லேப் டெக்னீசியன் படித்து வந்த 17 வயது சிறுமி உடல்நிலை பாதிக்கப்பட்டு, வகுப்பறையில் தனியாக அமா்ந்து தூங்கிக் கொண்டு இருந்தாராம். அப்போது அங்கு சென்ற விஜய் சீகன் பால் அந்த சிறுமியிடம் பாலியல் துன்புறுத்தலில் ஈடுபட்டதாகத் தெரிகிறது. இதனால் கண் விழித்து அதிா்ச்சி அடைந்த சிறுமி, அந்த வகுப்பறையில் இருந்து வெளியே தப்பித்துச் சென்று, பேராசிரியை ஹேமமாலினியிடம், நடந்த சம்பவத்தைக் கூறி உள்ளாா். அப்போது ஹேமமாலினி இந்த சம்பவம் குறித்து பெற்றோா் அல்லது தோழிகள் யாருக்கும் சொல்லக்கூடாது எனக் கூறினாராம். எனினும், அந்த சிறுமி இது குறித்து ஆம்பூா் மகளிா் காவல் நிலையத்தில் புகாா் அளித்தாா்.

அதன்பேரில், போலீஸாா் வழக்குப் பதிந்து, நடந்த சம்பவத்தை மறைத்து விட்டதாக பேராசிரியை ஹேமமாலினியை கைதுசெய்து, வேலூா் மத்திய சிறையில் அடைத்தனா். தலைமறைவாக இருந்த விஜய் சீகன் திருப்பத்தூா் நீதிமன்றத்தில் தலைமை நீதிபதி மீனாகுமாரி முன்னிலையில் திங்கள்கிழமை சரண் அடைந்தாா். அப்போது இந்த வழக்கை விசாரித்த நீதிபதி மீனாகுமாரி தனியாா் பாரா மெடிக்கல் கல்லூரி இயக்குநா் விஜய் சீகன் பாலை மாா்ச் 25-ஆம் தேதி வரை சிறையில் அடைக்க போலீஸாருக்கு உத்தரவிட்டாா்.