பாளையங்கோட்டை அருகே கே.டி.சி. நகரில் ஞாயிற்றுக்கிழமை நிகழ்ந்த விபத்தில் இரு பெண்கள் உயிரிழந்தனா்.
பாளையங்கோட்டை அருகே கிருஷ்ணாபுரத்தில் உள்ள ராஜன் நகரைச் சோ்ந்த ஜெபராஜ் மனைவி மலா் (51). திருநெல்வேலி அரசு மருத்துவக் கல்லூரி மருத்துவமனையில் பல் சுகாதார தொழில்நுட்பப் பணியாளராக வேலை செய்து வந்தாா்.
இவா், ஞாயிற்றுக்கிழமை மாலையில் தனது மொபெட்டில் கே.டி.சி. நகரில் இருந்து பாளையங்கோட்டைக்கு வந்து கொண்டிருந்தாராம். அப்போது, திருநெல்வேலியில் இருந்து தூத்துக்குடிக்குச் சென்று கொண்டிருந்த காா், கட்டுப்பாட்டை இழந்து மொபெட் மீது மோதி தலைகுப்புற கவிழ்ந்ததாம்.
இந்த விபத்தில் காயமடைந்த மலா் சம்பவ இடத்திலேயே உயிரிழந்தாா். காரில் வந்த திருநெல்வேலி நகரத்தைச் சோ்ந்த சுரேஷ் (47), அவரது மனைவி வருணா (45), மகள் பிரவீனா (22), ரஷியா(19) ஆகியோா் பலத்த காயமடைந்தனா்.
அவா்களை மீட்டு, திருநெல்வேலி அரசு மருத்துவக் கல்லூரி மருத்துவமனையில் சோ்த்தனா். அங்கு வருணா உயிரிழந்தாா்.
இந்த விபத்து குறித்து திருநெல்வேலி மாநகர போக்குவரத்துப் புலனாய்வுப் பிரிவு போலீஸாா் வழக்குப் பதிந்து விசாரித்து வருகிறாா்கள்.
