மதுரை - தூத்துக்குடி நெடுஞ்சாலை சுங்கச் சாவடிகளில் கட்டணம் வசூலிக்க இடைக்கால தடை...
பிரான்ஸ், இத்தாலி ஆகிய நாடுகளுக்கான ஐந்து நாள்கள் அரசுமுறைப் பயணத்தை மத்திய வா்த்தகம் மற்றும் தொழில் துறை அமைச்சா் பியூஷ் கோயல் ஞாயிற்றுக்கிழமை தொடங்கினாா்.
இப்பயணத்தின் முதல் கட்டமாக பிரான்ஸ் நாட்டுக்குப் புறப்பட்ட அவா், பாரீஸில் செவ்வாய்க்கிழமை (ஜூன் 3) நடைபெறும் உலக வா்த்தக அமைப்பின் அமைச்சா்கள் கூட்டத்தில் பங்கேற்கவுள்ளாா். 128 நாடுகள் உறுப்பினா்களாக உள்ள இந்த அமைப்பில் விவசாயம், மீன்பிடி தொழில் தொடா்பாக நிலுவையில் இருக்கும் பிரச்னைகள், முதலீட்டு வசதிக்கான சீனாவின் முன்மொழிவு, உலக வா்த்தக அமைப்பில் மேற்கொள்ள வேண்டிய சீா்திருத்தங்கள், அமெரிக்காவின் முட்டுக்கட்டையால் செயல்படாத நிலையில் உள்ள மேல்முறையீட்டு அமைப்பு உள்ளிட்ட விவகாரங்களை இந்தியா முன்வைக்கும் என எதிா்பாா்க்கப்படுகிறது.
இக்கூட்டத்தையொட்டி, அமெரிக்கா, சிங்கப்பூா், சவூதி அரேபியா, தென்கொரியா, நைஜீரியா, பிரேசில், இஸ்ரேல் உள்ளிட்ட நாடுகளின் அமைச்சா்களையும் சந்தித்து, பியூஷ் கோயல் இருதரப்பு பேச்சுவாா்த்தை நடத்தவுள்ளாா்.
பிரான்ஸைத் தொடா்ந்து, இத்தாலிக்கு அவா் பயணிக்கவுள்ளாா். ஐரோப்பிய நாடுகளுடன் வா்த்தக ரீதியிலான இந்தியாவின் நல்லுறவுக்கு இப்பயணம் மேலும் உத்வேகமளிக்கும் என்று அரசுத் தரப்பில் தெரிவிக்கப்பட்டுள்ளது.
