குஜராத் மாநிலம் வதோதராவைச் சேர்ந்தவர் நிகில் பார்மர் (32). ஐ.ஐ.எம். பட்டதாரியான நிகில் நிதி மேலாண்மை நிறுவனம் ஒன்றை நடத்தி வருகிறார். இவர் கடந்த ஆண்டு வரை பிரீத்தி என்ற பெண்ணுடன் நான்கு ஆண்டுகள் லிவ் இன் உறவில் வாழ்ந்து வந்தார். அவர்களுக்குள் கருத்து வேறுபாடு ஏற்பட்டதால் கடந்த ஆண்டு இருவரும் பிரிந்து விட்டனர்.
இதையடுத்து தனது பிஸ்னஸ் பார்ட்னர் கபில் ரஜபுத் என்பவருடன் சேர்ந்துகொண்டு, நிகிலைக் கடத்தி வைத்து, அவரது தந்தை ரஜினிகாந்த்தை மிரட்டி பணம் பறிக்கத் திட்டமிட்டார் பிரீத்தி. இதற்காக, நிகிலிடம், "பாலியல் வன்கொடுமை புகார் கொடுத்து கைது செய்ய வைத்துவிடுவேன்" என்று பிரீத்தி கூறி இருக்கிறார். அதோடு, தான் சொல்லும் இடத்திற்கு வரும்படி கூறி நிகிலை மிரட்டி மும்பைக்கு அழைத்து வந்துள்ளார். கடந்த மாதம் மும்பைக்கு அழைத்து வந்து நவிமும்பையில் உள்ள ஒரு அறையில் தங்க வைத்துள்ளார்.
அதோடு உன் மீது பாலியல் வன்கொடுமை புகார் கொடுத்திருப்பதால் உன்னை போலீஸார் தேடுவதாகவும், வெளியில் சென்றால் போலீஸார் கைது செய்துவிடுவார்கள் என்று கூறி நிகிலைப் பிரீத்தி மிரட்டி வைத்திருந்தார். மேலும் பாதுகாப்பான முறையில் வீட்டுக்குச் செல்லவேண்டுமானால் உனது தந்தைக்கு போன் செய்து ரூ.12 கோடி கொடுக்கச் சொல்லும்படி கேட்டனர். உடனே நிகிலும் தனது தந்தைக்கு போன் செய்து பேசினார். முதல் தவணையாக நிகிலின் தந்தை கடந்த மாதம் 28ம் தேதி ரூ.70 லட்சத்தைக் கொடுத்தார். அதன் பிறகு மார்ச் 5ம் தேதி மேலும் 80 லட்சத்தைக் கொடுத்தார். அப்படி இருந்தும் தாங்கள் கேட்ட முழு பணத்தையும் கொடுக்கும்படி பிரீத்தியும் அவரது ஆட்களும் கேட்டுக்கொண்டிருந்தனர்.
ஆனால் தனது மகனைப் பார்க்க அனுமதிக்க வேண்டும் என்று ரஜினிகாந்த் கேட்டார். இதையடுத்து நிகிலைப் பார்க்க மும்பைக்கு வரும்படி ரஜினிகாந்த்திடம் கேட்டுக்கொண்டனர். அதன் படி ரஜினிகாந்த் மும்பை வந்தார். ஆனால் வந்த பிறகு பாக்கி பணத்தைக் கொடுத்தால்தான் பார்க்க அனுமதிப்போம் என்று கூறி, நிகிலைப் பார்க்க அனுமதிக்கவில்லை. இதையடுத்து ரஜினிகாந்த் இது குறித்து தனது நண்பரிடம் கலந்து ஆலோசித்தார். அவரின் ஆலோசனைப்படி இது குறித்து போலீஸில் புகார் செய்தார்.
உடனே போலீஸார் கேட்டுக்கொண்டபடி பணம் கொடுப்பதாகக் கூறி, அக்கும்பலை வரவழைத்தார் ரஜினிகாந்த். அக்கும்பலைச் சேர்ந்த போலே என்பவர் வதோதராவிற்கு வந்தபோது போலீஸார் பணம் வாங்க வந்த நபரை மடக்கிப் பிடித்து கைது செய்தனர். அந்த நபரிடம் விசாரணை நடத்தி நிகில் இருக்கும் இடத்தைக் கண்டுபிடித்தனர்.
இதையடுத்து குஜராத் போலீஸார் மும்பைக்கு வந்து மும்பை போலீஸாரின் துணையோடு நவிமும்பையில் உள்ள அடுக்குமாடிக் குடியிருப்பில் சோதனை நடத்தி, நிகிலைக் கைது செய்தனர். பெண் உட்பட 3 பேர் கைது செய்யப்பட்டுள்ளனர். ஆனால் முக்கிய குற்றவாளியான பிரீத்தி தலைமறைவாகிவிட்டார். அவரைத் தேடி வருவதாக போலீஸார் தெரிவித்தனர். கைது செய்யப்பட்டவர்களில் ஒருவர் பிரீத்தியின் முன்னாள் காதலன் ஆவார். போலீஸார் சோதனை நடத்தியபோது வீட்டில் வாஷிங் மெஷினிற்கு பின்புறம் மறைத்து வைக்கப்பட்டு இருந்தார். அவர் மீது ஒரு துணி போடப்பட்டு இருந்தது. கைதானவர்களிடமிருந்து லட்சக்கணக்கில் பணமும் பறிமுதல் செய்தனர்.
வேட்டை நாய்கள் - Gangs of தூத்துக்குடி -இப்போது விகடன் ப்ளேயில்..!
Link : Part 01 : https://tinyurl.com/Vettai-Naigal-Part-01 |
Part 02: https://tinyurl.com/Vettai-Naigal-Part-02 |
80களில் தூத்துக்குடியை மிரள வைத்த டான்களின் கதை வேட்டை நாய்கள் - Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks
