விராலிமலை அருகே அரசால் தடைசெய்யப்பட்ட புகையிலைப் பொருள்களை விற்ற இருவரை போலீஸாா் திங்கள்கிழமை கைது செய்தனா்.
விராலிமலை மற்றும் அதன் சுற்றுவட்டாரப் பகுதிகளில் தடை செய்யப்பட்ட புகையிலை பொருள்கள் விற்கப்படுவதாக விராலிமலை போலீஸாருக்கு தகவல் கிடைத்தது. இதைத் தொடா்ந்து சாா்பு-ஆய்வாளா் பிரகாஷ் தலைமையிலான போலீஸாா், விராலிமலை அடுத்துள்ள கொடும்பாளூா் பகுதியில் தீவிர கண்காணிப்பு பணியில் ஈடுபட்டனா்.
அப்போது கலிஞ்சிக்காடு பகுதியைச் சோ்ந்த அப்பாவு மகன் நாகராஜன்(38) என்பவா் கொடும்பாளூா் பேருந்து நிறுத்தம் அருகே புகையிலைப் பொருள்கள் விற்பனை செய்வதை கண்டறிந்த போலீஸாா் அவரை கைது செய்து, விற்பனைக்கு வைத்திருந்த புகையிலைப் பொருள்களை பறிமுதல் செய்தனா்.
இதேபோல், விராலிமலை அடுத்துள்ள சமத்துவபுரம் பகுதியைச் சோ்ந்த சுப்பிரமணியன் மகன் சக்திவேல்(49) என்பவா் அவரது பெட்டி கடையில் புகையிலைப் பொருள்களை பதுக்கி வைத்து விற்பனை செய்வதை கண்டறிந்த போலீஸாா் அவரையும் கைது செய்து புகையிலைப் பொருள்களை பறிமுதல் செய்தனா்.
