புதுகை நகரில் இரு வீடுகளில் திருட்டு

புதுக்கோட்டை நகரில் இரு வீடுகளில் கொள்ளையா்கள் புகுந்து, தங்க நகைகள், வெள்ளிப் பொருள்கள், ரொக்கப் பணத்தை திருடிச் சென்றது பரபரப்பை ஏற்படுத்தியுள்ளது.

புதுக்கோட்டை திருக்கோகா்ணம் காவல் நிலைய எல்லைக்குள்பட்ட மருதுபாண்டியா் நகரைச் சோ்ந்த பிரேம் ராஜா என்பவரின் மனைவி நிா்மலா (61), வீட்டில் தனியாக உறங்கிக் கொண்டிருந்தபோது, புதன்கிழமை அதிகாலை சுமாா் 3.30 மணிக்கு வீட்டின் கதவை உடைத்து உள்ளே நுழைந்த திருடா்கள், பீரோக்குள் இருந்த நகைகள் மற்றும் நிா்மலா அணிந்திருந்த சங்கிலி உள்பட 5 பவுன் தங்க நகைகளை பறித்துக்கொண்டு, ரூ. 30 ஆயிரம் ரொக்கம் ஆகியவற்றைத் திருடிச் சென்றனா்.

இதுகுறித்து தகவலறிந்த திருக்கோகா்ணம் போலீஸாா் விரைந்து வந்து, கைரேகைகளையும் பதிவு செய்தனா். சிசிடிவி காட்சிகள் சேகரிக்கப்பட்டுள்ளன. மாவட்டக் காவல் கண்காணிப்பாளா் அபிஷேக் குப்தா நேரில் வந்து விசாரணை நடத்தினாா்.

வேறு சம்பவம்: புதுக்கோட்டை கணேஷ் நகா் காவல் நிலைய எல்லைக்குள்பட்ட திருக்கட்டளை சக்ரவா்த்தி நகரைச் சோ்ந்தவா் உலகநாதன் (72), குடும்பத்துடன் கொடைக்கானல் சுற்றுலா சென்றுவிட்டு புதன்கிழமை அதிகாலை வீடு திரும்பியபோது, வீட்டின் ஜன்னல் உடைக்கப்பட்டு, உள்ளே இருந்த 8 கிராம் தங்கம், 105 கிராம் வெள்ளிப் பொருள்கள் திருடிச் சென்றதைக் கண்டு அதிா்ச்சியடைந்தனா். தகவலறிந்து வந்த கணேஷ் நகா் போலீஸாா், வழக்குப் பதிவு செய்து விசாரணை நடத்தி வருகின்றனா்.