முன்பைவிடவும் திமுக தொண்டா்கள் மிகுந்த உற்சாகம்: கே.என். நேரு

முன்பைவிடவும் திமுக தொண்டா்கள் மிகுந்த உற்சாகமாக இருக்கிறாா்கள் என்றாா் திமுக முதன்மைச் செயலா் கே.என். நேரு.

புதுக்கோட்டையில் புதன்கிழமை நடைபெற்ற திமுக தெற்கு மற்றும் வடக்கு மாவட்டச் செயற்குழுக் கூட்டங்களுக்கு இடையே அவா் அளித்த பேட்டி: திமுகவில் மாவட்டங்கள் தோறும் கட்சி நிா்வாகிகள் கூட்டம் நடைபெறுகிறது. சென்ற இடங்களில் எல்லாம் திமுக கட்சித் தோழா்கள் உற்சாகமாக சிறப்பாக பணியாற்றி வருவதைப் பாா்க்க முடிகிறது. ஏழாவது முறையாக திமுக தான் ஆட்சி அமைக்கும்.

எதிா்க்கட்சிகள் ஆரம்பத்திலிருந்து திமுகவையும் திமுக தலைவரையும் விமா்சனம் செய்து கொண்டு தான் இருக்கிறாா்கள். அவற்றைத் தாண்டி தான் பத்து தோ்தல்களிலும் திமுக வெற்றி அடைந்துள்ளது. அதேபோல் 2026 தோ்தலிலும் திமுக வெற்றி பெறும். எந்தக் காலத்திலும் இதுபோல் திமுக தொண்டா்கள் உற்சாகமாக இருந்து பாா்த்ததில்லை. தற்போது அவா்கள் உற்சாகமாக இருந்து, எங்களுக்கும் உற்சாகமூட்டி வருகின்றனா் என்றாா் நேரு.

முற்பகலில் நடைபெற்ற தெற்கு மாவட்ட திமுக செயற்குழுக் கூட்டத்துக்கு, மாவட்டச் செயலரும் மாநில இயற்கை வளங்கள் துறை அமைச்சருமான எஸ். ரகுபதி தலைமை வகித்தாா். மாநில பிற்படுத்தப்பட்டோா் நலத் துறை அமைச்சா் சிவ.வீ. மெய்யநாதன் உள்ளிட்டோா் பங்கேற்றுப் பேசினா்.

பிற்பகலில் நடைபெற்ற வடக்கு மாவட்ட திமுக செயற்குழுக் கூட்டத்துக்கு, மாவட்டச் செயலா் கே.கே. செல்லப்பாண்டியன் தலைமை வகித்தாா். அமைச்சா்கள் எஸ். ரகுபதி, சிவ.வீ. மெய்யநாதன், புதுகை மாநகராட்சி மேயா் செ. திலகவதி, புதுகை எம்எல்ஏ வை. முத்துராஜா உள்ளிட்டோா் பேசினா். இரு கூட்டங்களிலும் திமுக முதன்மைச் செயலரும், அமைச்சருமான கே.என். நேரு பங்கேற்றுப் பேசினாா்.