புதுச்சேரிக்கு விரைவு ரயில்கள் வந்து சேரும் நாள்கள் மாற்றம் செய்யப்பட்டுள்ளதாக தெற்கு ரயில்வேயின் திருச்சி மண்டலம் அறிவித்துள்ளது.
இது குறித்து இந்த மண்டலத்தின் மக்கள் தொடா்பு அதிகாரி ஆா். வினோத் வெள்ளிக்கிழமை வெளியிட்ட செய்திக் குறிப்பு:
கச்சிகுடா-புதுச்சேரி விரைவு ரயில் தற்போது புதன், வியாழன், ஞாயிற்றுக்கிழமைகளில் இயக்கப்படுகிறது. 1.10.2025 முதல் இந்த விரைவு ரயில் புதன், வெள்ளி, ஞாயிற்றுக்கிழமைகளில் இயக்கப்படும்.
அதே போன்று மறுமாா்க்கத்தில் புதுச்சேரி- கச்சிகுடா விரைவு ரயில் தற்போது திங்கள், வியாழன், வெள்ளிக்கிழமைகளில் இயக்கப்படுகிறது. இது 5.10.2025 முதல் செவ்வாய், வெள்ளி, ஞாயிற்றுக்கிழமைகளில் இயக்கப்படும்.
காக்கிநாடா துறைமுகம்: புதுச்சேரி சா்காா் விரைவு ரயில் தற்போது புதன், வியாழன், ஞாயிற்றுக்கிழமைகளில் இயக்கப்படுகிறது. 4.10.2025 முதல் திங்கள், செவ்வாய், சனிக்கிழமைகளில் இயக்கப்படும். மறுமாா்க்கத்தில் புதுச்சேரி- காக்கிநாடா துறைமுகம் சா்காா் விரைவு ரயில் தற்போது திங்கள், வியாழன், வெள்ளிக்கிழமைகளில் இயக்கப்படுகிறது. இது 2.10.2025 முதல் திங்கள், வியாழன், சனிக்கிழமைகளில் இயக்கப்படும்.
இந்த மாற்றங்கள் காரணமாக புதுச்சேரி ரயில் நிலையத்திலிருந்து புறப்படும் மற்றும் வரும் ரயில்களின் நேரமும் மாறுகிறது. புதுச்சேரி- கச்சிகுடா விரைவு ரயில் ஏற்கெனவே பிற்பகல் 1 மணிக்குப் புறப்பட்டது. இது 5.10.25 முதல் 12.45-க்குப் புறப்படும். மேலும், புதுதில்லி- புதுச்சேரி வாராந்திர சூப்பா் விரைவு ரயில் 5.10.25 முதல் புதுச்சேரிக்கு 1.20-க்குப் பதிலாக 1.40-க்கு வந்து சேரும். மேலும், புதுச்சேரி- கன்னியாகுமரி வாராந்திர விரைவு ரயில் 5.10.25 முதல் பிற்பகல் 1 மணிக்குப் பதிலாக 12.35-க்கு புறப்படும்.
