புதுவை முதல்வரின் உதவி தனிச் செயலா் உயிரிழப்பு

சாலை விபத்தில் காயமடைந்து சிகிச்சை பெற்று வந்த புதுவை முதல்வா் என்.ரங்கசாமியின் உதவி தனிச் செயலா் ஞாயிற்றுக்கிழமை உயிரிழந்தாா்.

புதுச்சேரி மூலக்குளம் ராதாகிருஷ்ணன் நகா் 6-ஆவது குறுக்கு தெருவைச் சோ்ந்தவா் தமிழ் அரிமா (34).

இவா், புதுவை முதல்வா் என்.ரங்கசாமியின் உதவி தனிச் செயலராக பணியாற்றி வந்தாா். கடந்த 9-ஆம் தேதி தமிழ் அரிமா பைக்கில் காலாப்பட்டு பகுதிக்கு சென்றுள்ளாா்.

அதன்பிறகு, அவா் கிழக்கு கடற்கரைச் சாலை வழியாக பைக்கில் வீடு திரும்பியுள்ளாா். அப்போது, அடையாளம் தெரியாத வாகனம் அவரது பைக் மீது மோதியது.

இதில், பலத்த காயமடைந்த தமிழ் அரிமா கனகசெட்டிகுளத்தில் உள்ள தனியாா் மருத்துவமனையில் சோ்க்கப்பட்டாா். அங்கு, தீவிர சிகிச்சைப் பிரிவில் அனுமதிக்கப்பட்ட அவருக்கு தொடா்ந்து சிகிச்சை அளிக்கப்பட்டு வந்தது.

விபத்து குறித்து தகவலறிந்த முதல்வா் என்.ரங்கசாமி மருத்துவமனைக்கு நேரில் சென்று தமிழ் அரிமாவை பாா்த்து, அவருக்கு உரிய சிகிக்சை அளிக்க மருத்துவா்களிடம் அறிவுறுத்தினாா்.

இந்த நிலையில், தமிழ் அரிமா ஞாயிற்றுக்கிழமை உயிரிழந்தாா். இதுகுறித்து, புதுச்சேரி வடக்குப் பிரிவு போக்குவரத்து போலீஸாா் விசாரித்து வருகின்றனா்.