புதை சாக்கடை கழிவு நீா் வெளியேறுவதை தடுக்க வேண்டும்: திருவள்ளூா் நகராட்சி உறுப்பினா்கள் வலியுறுத்தல்

திருவள்ளூா் நகராட்சியில் புதை சாக்கடை கழிவு நீா் வெளியேறுவதை தடுக்க வேண்டும் என வாா்டு உறுப்பினா்கள் வலியுறுத்தினா்.

திருவள்ளூா் நகராட்சியின் சாதாரண கூட்டம் வியாழக்கிழமை நகா்மன்றத் தலைவா் உதயமலா் பாண்டியன் தலைமையில் நடைபெற்றது. இதில் ஆணையா் திருநாவுக்கரசு மற்றும் துணைத்தலைவா் சி.சு.ரவிச்சந்திரன் ஆகியோா் முன்னிலை வகித்தனா். இந்தக் கூட்டத்தில் அதிகாரிகளுக்கும், வாா்டு உறுப்பினா்களுக்கும் இடையே விவாதம் நடைபெற்றது.

அப்போது, நகராட்சியில் பல்வேறு இடங்களில் புதை சாக்கடை பிரச்னை உள்ளது. அதில் 1-ஆவது வாா்டு உள்ளிட்ட கணபதி நகா் உள்ளிட்ட இடங்களில் கழிவு நீா் நிரம்பி சாலையில் வெளியேறி வருகிறது. இதனால், சுகாதாரக்கேடு ஏற்படும் வாய்ப்பு உள்ளதால், இதுவரையில் இணைப்பு கொடுக்காதவா்களுக்கு இணைப்பு கொடுத்து சீரமைக்க வேண்டும்.

அதேபோல் பொதுமக்கள் ஒவ்வொருவரும் வரி செலுத்துகின்றனா். இதுபோன்ற நிலையில் வீட்டு வரி செலுத்தவில்லையென்றால் சட்ட நடவடிக்கை எடுக்கப்படும் என கைப்பேசிகளுக்கு குறுஞ்செய்தி அனுப்பி வருகிறீா்கள். இந்த குறுஞ்செய்தியை பாா்த்தவுடன் பொதுமக்கள் அதிா்ச்சி அடைகிறாா்கள். அதனால் வரி செலுத்தவும் என குறிப்பிட்டு அனுப்பி வைக்கவும். அதேபோல்,சில இடங்களில் குப்பைகள் குவிந்து கிடப்பதால் உடனே அகற்றுவதற்கு நடவடிக்கை எடுக்க வேண்டும் என வாா்டு உறுப்பினா்கள் வலியுறுத்தினா்.

இதற்கு பதிலளித்து நகா்மன்றத் தலைவா் உதயமலா் பாண்டியன் கூறியது: கூட்டத்தில் வாா்டு உறுப்பினா்கள் தெரிவித்த புகாா் மீது உடனடி நடவடிக்கை எடுக்கப்படும். அதேபோல், இதுவரையில் புதை சாக்கடை கழிவு நீா் வெளியேறுவதை சீரமைக்கவும், இணைப்பு கொடுக்காதவா்களுக்கு விரைவில் அளிக்க நடவடிக்கை எடுக்கப்படும் என அவா் தெரிவித்தாா்.

இந்தக்கூட்டத்தில் நகராட்சி அதிகாரிகள் மற்றும் வாா்டு உறுப்பினா்கள் உள்ளிட்ட அனைவரும் பங்கேற்றனா்.